బిజినెస్
గ్లోబల్ మార్కెట్లు తెచ్చిన ఉత్సాహం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఆగస్టు 30: దేశీయ స్టాక్ మార్కెట్లు మంగళవారం భారీ లాభాల్లో ముగిశాయి. బాంబే స్టాక్ ఎక్స్‌చేంజ్ సూచీ సెనె్సక్స్ 13 నెలలకుపైగా గరిష్ఠ స్థాయిని అందుకుని 28 వేల స్థాయిని అధిగమించగా, నేషనల్ స్టాక్ ఎక్స్‌చేంజ్ సూచీ నిఫ్టీ 16 నెలల గరిష్ఠాన్ని తాకుతూ 8,700 స్థాయి ఎగువన స్థిరపడింది. ఆసియా, ఐరోపా మార్కెట్లతోపాటు అమెరికా మార్కెట్ల నుంచి అందుకున్న సానుకూల సంకేతాలు భారతీయ స్టాక్ మార్కెట్లను లాభాల్లో పరుగులు పెట్టించాయి. ఈ ఆర్థిక సంవత్సరం (2016-17) తొలి త్రైమాసికానికి (ఏప్రిల్-జూన్)గాను ప్రభుత్వ, ప్రైవేట్‌రంగ సంస్థలు ప్రకటించిన ఆర్థిక ఫలితాలు బాగుండటంతో విదేశీ మదుపరుల నుంచి పెద్ద ఎత్తున వచ్చిన పెట్టుబడులూ సూచీలను భారీ లాభాల దిశగా నడిపించాయి. ముఖ్యంగా అమెరికా ఫెడరల్ రిజర్వ్ బ్యాంక్ వడ్డీరేట్లను పెంచేందుకు అవకాశాలున్నా విదేశీ మదుపరులు పట్టించుకోకపోవడం గమనార్హం. దీతో ఉదయం ఆరంభం నుంచి లాభాల్లోనే కదలాడిన సూచీలు సమయం ముగుస్తున్నకొద్దీ ఆ లాభాలను మరింతగా పెంచుకుంటూపోయాయి. టెలికామ్ మినహా ఆటో, ఐటి, బ్యాంకింగ్, ఫైనాన్స్, ఎఫ్‌ఎమ్‌సిజి, హెల్త్‌కేర్, టెక్నాలజీ, యుటిలిటీస్, క్యాపిటల్ గూడ్స్, చమురు, గ్యాస్, మెటల్, రియల్టీ, ఇండస్ట్రియల్స్ రంగాల షేర్లకు కొనుగోళ్ల మద్దతు లభించింది. 1.81 శాతం నుంచి 0.84 శాతం వరకు ఆయా షేర్ల విలువ పెరిగింది. ఈ క్రమంలోనే సెనె్సక్స్ 440.35 పాయింట్లు పుంజుకుని 28,343.01 వద్ద ముగియగా, 2015 జూలై 23 స్థాయి 28,370.84 పాయింట్లకు చేరువైంది. ఇక నిఫ్టీ 136.90 పాయింట్లు ఎగిసి 8,744.35 వద్ద నిలవగా, 2015 ఏప్రిల్ 15 స్థాయి 8,750.20 పాయింట్లకు దగ్గరైంది. కాగా, మంగళవారం ట్రేడింగ్‌లో టెలికామ్ షేర్ల విలువ మాత్రం 1.20 శాతం పడిపోయింది. ఇకపోతే ఆసియా మార్కెట్లలో హాంకాంగ్, చైనా, సింగపూర్ సూచీలు 0.85 శాతం నుంచి 0.06 శాతం మేర లాభపడ్డాయి. జపాన్ సూచీ మాత్రం స్వల్పంగా నష్టపోగా, ఐరోపా మార్కెట్లలో జర్మనీ 1.10 శాతం, ఫ్రాన్స్ 0.93 శాతం, బ్రిటన్ 0.04 శాతం చొప్పున పెరిగాయి.
ఆల్‌టైమ్ హైకి బిఎస్‌ఇ మార్కెట్ విలువ
న్యూఢిల్లీ: మరోవైపు మంగళవారం మదుపరుల కొనుగోళ్ల దూకుడు మధ్య బాంబే స్టాక్ ఎక్స్‌చేంజ్‌లోని సంస్థల మార్కెట్ విలువ ఆల్‌టైమ్ హైకి చేరింది. 110.7 లక్షల కోట్ల రూపాయల (1.64 ట్రిలియన్ డాలర్లు)ను తాకింది. ఈ ఒక్కరోజే మదుపరుల సంపద 1,39,948 కోట్ల రూపాయలు పెరిగి మునుపెన్నడూ లేనివిధంగా 1,10,70,610 కోట్ల రూపాయలకు చేరింది. దేశీయ ఐటిరంగ దిగ్గజం టిసిఎస్ 5,02,202.97 కోట్ల రూపాయలతో సెనె్సక్స్ టాప్-10 సంస్థల్లో అగ్రస్థానంలో ఉండగా, ముకేశ్ అంబానీ నేతృత్వంలోని రిలయన్స్ ఇండస్ట్రీస్ లిమిటెడ్ 3,45,650.10 కోట్ల రూపాయలతో రెండో స్థానంలో ఉంది. ప్రైవేట్‌రంగ బ్యాంకింగ్ దిగ్గజం హెచ్‌డిఎఫ్‌సి బ్యాంక్ 3,22,240.25 కోట్ల రూపాయలతో మూడో స్థానంలో నిలిచింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.