బిజినెస్
హైదరాబాద్‌లో మరో 6 ‘పాయ్’ స్టోర్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 2: ఎలక్ట్రానిక్స్, గృహోపకరణాల రిటైల్ విక్రయ సంస్థ పాయ్ ఇంటర్నేషనల్ ఎలక్ట్రానిక్స్ లిమిటెడ్.. ఇకపై ఏటా కొత్తగా 10 నుంచి 15 స్టోర్లను ప్రారంభించనున్నట్లు శుక్రవారం ప్రకటించింది. శనివారం ఒక్కరోజే హైదరాబాద్‌లో 6 మెగా ఎలక్ట్రానిక్ షోరూమ్‌లను తెరుస్తామని ఇక్కడ ఏర్పాటుచేసిన విలేఖరుల సమావేశంలో సంస్థ మేనేజింగ్ డైరెక్టర్ రాజ్‌కుమార్ పాయ్ తెలిపారు. కస్టమర్లకు బంపర్ ఆఫర్లను కూడా పెట్టినట్లు వివరించారు. ఒక్కో స్టోర్‌పై 3 నుంచి 5 కోట్ల రూపాయల వరకు పెట్టుబడులు పెడుతున్నట్లు చెప్పారు. ప్రస్తుతం హైదరాబాద్‌లో 15 స్టోర్లున్నాయని, దేశవ్యాప్తంగా తమకు 80కిపైగా స్టోర్లున్నట్లు వివరించారు. కాగా, వచ్చే పండగ సీజన్ తర్వాత ఆంధ్రప్రదేశ్ మార్కెట్‌లోకి ప్రవేశిస్తామన్నారు. విజయవాడ, విశాఖపట్నం, గాజువాకలో తొలుత స్టోర్లను అందుబాటులోకి తెస్తామని, తర్వాత ప్రతి జిల్లా కేంద్రానికి విస్తరిస్తామని తెలియజేశారు. ఇక తమ సొంత బ్రాండ్ ‘హెన్రీ’ని త్వరలోనే పరిచయం చేస్తామని, ఇందుకు 40 నుంచి 50 కోట్ల రూపాయల వరకు పెట్టుబడులు పెడుతున్నామన్నారు. మొదట హెన్రీ ఎల్‌ఇడి టెలివిజన్లను ఆవిష్కరించే పనిలో ఉన్నామని తెలిపారు.
ఇప్పటికే తమకు మైక్రోమ్యాక్స్ టెలివిజన్లు, ఎల్‌జి మొబైల్ డిస్ట్రిబ్యూషన్లున్నాయన్న ఆయన 70 లక్షల వినియోగదారులకు తాము చేరువయ్యామన్నారు. 2020 నాటికి 3 కోట్ల వినియోగదారులు లక్ష్యమని, ఈ క్రమంలోనే నూతన స్టోర్లను విస్తరిస్తున్నామని పేర్కొన్నారు. ఇదిలావుంటే గత ఆర్థిక సంవత్సరం (2015-16)లో 1,800 కోట్ల రూపాయల టర్నోవర్‌ను సాధించామని రాజ్‌కుమార్ పాయ్ ఈ సందర్భంగా తెలియజేశారు. ఇక నిధుల సమీకరణలో భాగంగా స్టాక్ మార్కెట్లలోకి కూడా ప్రవేశించే యోచనలో ఉన్నామన్న ఆయన ఎప్పుడన్నది మాత్రం తెలియజేయలేదు. అయితే వీలైనంత త్వరలో ఇనీషియల్ పబ్లిక్ ఇష్యూ (ఐపిఒ)ను ప్రకటించవచ్చని చెప్పారు.
మెగా షోరూమ్‌ల ప్రారంభోత్సవ వివరాలను వెల్లడిస్తున్న పాయ్ ప్రతినిధులు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.