బిజినెస్
జిఎస్‌టికే తొలి ప్రాధాన్యత
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 7: వస్తు, సేవల పన్ను (జిఎస్‌టి) అమలే తమ ప్రధాన లక్ష్యమని కేంద్ర ఆర్థిక శాఖ మంత్రి అరుణ్ జైట్లీ పునరుద్ఘాటించారు. ఈ చారిత్రాత్మక పరోక్ష పన్ను విధానం ఒకసారి ఆచరణలోకి వస్తే పన్ను రేట్లు తగ్గుతాయన్న విశ్వాసాన్ని ఆయన వ్యక్తం చేశారు. అయితే ప్రభుత్వరంగ బ్యాంకులను తిరిగి గాడిలో పెట్డడం అన్నది తమ ముందున్న అతిపెద్ద సవాల్ అని జైట్లీ అన్నారు. బుధవారం ఇక్కడ జరిగిన ‘ది ఎకనామిస్ట్-ఇండియా సమ్మిట్ 2016’ కార్యక్రమంలో పాల్గొన్న జైట్లీ.. మాట్లాడుతూ జిఎస్‌టిపై అన్ని రాష్ట్రాల అసెంబ్లీలు తీర్మానం చేస్తున్నాయని, మెజారిటీ రాష్ట్రాలు మద్దతు పలుకుతున్నాయని చెప్పారు. ఇవన్నీ కూడా రాష్టప్రతి ప్రణబ్ ముఖర్జీ ఆమోదం పొందాల్సి ఉందని, అది జరిగితే జిఎస్‌టికి సంబంధించిన రాజ్యాంగ సవరణ బిల్లుకు చట్టబద్ధత లభిస్తుందని తెలిపారు. ఈ ప్రక్రియ అంతా కూడా వేగంగానే జరుగుతుందన్న ఆయన తర్వాత జిఎస్‌టి కమిటీని ఏర్పాటు చేస్తామని, అపరిష్కృతంగా ఉన్న కొన్నింటిని ఈ కమిటీ పరిష్కరిస్తుందని చెప్పారు. కాగా, బ్యాంకింగ్ రంగాన్ని, ముఖ్యంగా ప్రభుత్వరంగ బ్యాంకుల ఉనికిని ప్రశ్నార్థకం చేస్తున్న మొండి బకాయిల (నిరర్థక ఆస్తులు) విషయంలో కఠినంగా వ్యవహరిస్తున్నామని జైట్లీ ఈ సందర్భంగా స్పష్టం చేశారు. అవసరమైతే ప్రస్తుత 2016-17 బడ్జెట్‌లో సూచించినదానికంటే కూడా అధికంగా బ్యాంకులకు నిధులను అందిస్తామని మరోసారి చెప్పారు.
మల్టీ-బ్రాండ్ రిటైల్ రంగంలోకి
ఎఫ్‌డిఐపై ఇంకా నిర్ణయం తీసుకోలేదు: సీతారామన్
మల్టీ-బ్రాండ్ రిటైల్ రంగంలోకి విదేశీ ప్రత్యక్ష పెట్టుబడుల (ఎఫ్‌డిఐ)పై ఇంకా ఎలాంటి నిర్ణయం తీసుకోలేదని కేంద్ర వాణిజ్య, పరిశ్రమల శాఖ మంత్రి నిర్మలా సీతారామన్ స్పష్టం చేశారు. ‘ది ఎకనామిస్ట్-ఇండియా సమ్మిట్ 2016’ కార్యక్రమానికి హాజరైన నిర్మలా సీతారామన్.. చిరు వ్యాపారులు, రైతులకు వ్యతిరేకంగా నిర్ణయం తీసుకోబోమని భరోసా ఇచ్చారు. వారి సాధికారతను పణంగా పెట్టి మల్టీ-బ్రాండ్ రిటైల్ రంగంలోకి ఎఫ్‌డిఐని ఆహ్వానిస్తే మార్కెట్‌లో వారు గట్టి పోటీని ఎదుర్కోవాల్సి వస్తుందని అన్నారు. ఇది ప్రభుత్వ సిద్ధాంతానికి సరికాదన్నారు. కాగా, మల్టీ-బ్రాండ్ రిటైల్‌లోకి ఎఫ్‌డిఐపై అధికార బిజెపి మొదటి నుంచి వ్యతిరేకతను కనబరుస్తున్నది తెలిసిందే. ఎన్నికల మ్యానిఫెస్టోలోనూ దీన్ని మోదీ సర్కారు పెట్టింది. ఇకపోతే వివిధ దేశాలతో చేసుకున్న స్వేచ్ఛా వాణిజ్య ఒప్పందాలను పునఃపరిశీలిస్తున్నట్లు మంత్రి ఈ సందర్భంగా తెలిపారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.