బిజినెస్
‘ప్రభుత్వ కొనుగోళ్లలో పోటీతో ద్రవ్యలోటు మాఫీ’
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 9: ప్రభుత్వ కొనుగోళ్ల కోసం జరిపే బిడ్డింగ్ ప్రక్రియలో కాంపిటేషన్ చట్టాలను పకడ్బందీగా అమలు చేయాలని కాంపిటేషన్ కమిషన్ ఆఫ్ ఇండియా (సిసిఐ) చైర్మన్ డికె సిక్రీ శుక్రవారం గట్టిగా కోరుతూ, అలా చేసినట్లయితే ఈ దేశ ద్రవ్య లోటు అంతా తుడిచిపెట్టుకు పోయేలా చేయవచ్చని అభిప్రాయ పడ్డారు.‘ ప్రభుత్వ ఏజన్సీలు గనుక ఇప్పటిలాగా అప్రమత్తమై బిడ్డింగ్ ప్రక్రియలో కాంపిటేషన్‌ను కచ్చితంగా అమలుచేసినట్లయితే, ప్రభుత్వ కొనుగోళ్లలో కనీసం 2 శాతం ఆదా అయినా బడ్జెట్‌లో ఆర్థిక లోటును పూర్తిగా తుడిచిపెట్టవచ్చు’నని ఇక్కడొక కార్యక్రమంలో మాట్లాడుతూ సిక్రీ అన్నారు. ముఖ్యంగా ప్రభుత్వ కొనుగోళ్లు జరిపేటప్పుడు కాంపిటేషన్ చట్టం ప్రభుత్వానికి ఎంతగానో సహాయపడుతుందని కూడా ఆయన అన్నారు. కాంట్రాక్టర్లు రింగ్‌గా ఏర్పడ్డం, కుమ్మక్కు కావడం లాంటి కేసులు వివిధ కేంద్ర ప్రభుత్వ డిపార్ట్‌మెంటులు, రాష్ట్ర ప్రభుత్వాలు, ప్రభుత్వ రంగ సంస్థలనుంచి కమిషన్‌కు భారీ సంఖ్యలో వస్తున్నాయని, వీటిపై దర్యాప్తు జరుపుతున్నామని సిక్రీ చెప్పారు. ప్రభుత్వ సంస్థలు, ప్రభుత్వ శాఖల్లో ఇప్పుడు కాంపిటేటివ్ బిడ్డింగ్ గురించి చైతన్యం ఎక్కువ అయిందని కూడా ఆయన అభిప్రాయ పడ్డారు. ఈ మార్పు ప్రభుత్వం జరిపే కొనుగోళ్లలో పెద్దఎత్తున ఆదాకు దోహదపడే అవకాశం ఉందని కూడా సిక్రీ చెప్పారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.