బిజినెస్
మళ్లీ ఫ్లిప్‌కార్ట్-స్నాప్‌డీల్ లొల్లి
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి/బెంగళూరు, మార్చి 26: భారత ఈ-కామర్స్ రిటైల్ దిగ్గజాలు, ఆన్‌లైన్ మార్కెటింగ్ ప్రత్యర్థులైన ఫ్లిప్‌కార్ట్, స్నాప్‌డీల్ మధ్య ఆన్‌లైన్ వేదికగా విమర్శలు-ప్రతివిమర్శలు మరింత జోరందుకున్నాయి. చైనా ఈ-కామర్స్ దిగ్గజం అలీబాబా.. భారత్‌లోకి ప్రవేశించడంపై తాజాగా ఫ్లిప్‌కార్ట్, స్నాప్‌డీల్ వ్యవస్థాపకులిరువురి మధ్య మరోసారి మాటల యుద్ధం చోటుచేసుకుంది. ట్విట్టర్ వేదికగా జరిగిన ఈ పరస్పర వాదనల్లోకి వెళితే.. భారత్‌లోకి అలీబాబా రాకపై ఫ్లిప్‌కార్ట్ వ్యవస్థాపకుల్లో ఒకరైన సచిన్ బన్సల్ ట్వీట్ చేస్తూ ‘్భరత్‌లో నేరుగా తమ కార్యకలాపాలను ప్రారంభించాలని అలీబాబా నిర్ణయించుకోవడాన్ని చూస్తే, ఇప్పటిదాకా భారత్‌లో ఆ సంస్థ పెట్టిన పెట్టుబడులు ఎంతటి దుస్థితిలో ఉన్నాయో అర్థమవుతోంది.’ అన్నారు. స్నాప్‌డీల్‌తోపాటు పేటిఎమ్ తదితర భారతీయ ఈ-కామర్స్ సంస్థల్లో అలీబాబా పెట్టుబడులు పెట్టింది. ఈ క్రమంలో ఈ ఏడాది భారతీయ రిటైల్ మార్కెట్‌లోకి తాము రాబోతున్నట్లు గత వారం అలీబాబా ప్రకటించగా, ఈ నేపథ్యంలో సచిన్ బన్సల్ పైవిధంగా స్పందించారు. అయితే దీనికి ప్రతిస్పందనగా స్నాప్‌డీల్ వ్యవస్థాపకుల్లో ఒకరైన కునాల్ భల్ ఘాటుగానే ట్వీట్ చేశారు. ‘దాదాపు 5 బిలియన్ డాలర్ల ఫ్లిప్‌కార్ట్ మార్కెట్ విలువను మోర్గాన్ స్టాన్లీ ఒక్కసారిగా తగ్గించలేదా? దీనివల్ల ఫ్లిప్‌కార్ట్ పరువు టాయిలెట్లలో కలిసిపోలేదా (టాయిలెట్ సీట్ ఐకాన్‌ను పోస్ట్ చేశారు)? మీ వ్యాపారంపై ముందు దృష్టి పెట్టండి. అనవసరమైన వ్యాఖ్యలు మానండి. ఇది మీకు సిగ్గుచేటు (స్మైల్ ఐకాన్‌ను పోస్ట్ చేశారు).’ అని స్పందించారు. కాగా, గత ఏడాది అలీబాబా తదితర సంస్థల నుంచి స్నాప్‌డీల్ 500 మిలియన్ డాలర్ల నిధులను సేకరించిన నేపథ్యంలో దాన్ని అలీబాబా రాకకు ముడిపెడుతూ సచిన్ బన్సల్ కామెంట్ చేస్తే, అంతర్జాతీయ మదుపరులు ఫ్లిప్‌కార్ట్ మార్కెట్ విలువ అధికంగా ఉందని విశ్వసించడంతో మోర్గాన్ స్టాన్లీ ఆ సంస్థ షేర్ల విలువను 27 శాతం తగ్గించడాన్ని గుర్తుచేస్తూ కునాల్ భల్ రెచ్చిపోయారు. మోర్గాన్ స్టాన్లీ చర్యతో తమ సంస్థ మార్కెట్ విలువ 15.2 బిలియన్ డాలర్ల నుంచి 11 బిలియన్ డాలర్లకు పడిపోయిందని ఓ పత్రికా ప్రకటనలో ఫ్లిప్‌కార్ట్ ప్రకటించింది కూడా. అయితే ట్విట్టర్‌లో ఫ్లిప్‌కార్ట్, స్నాప్‌డీల్ ఇలా పోట్లాడుకోవడం ఇదే తొలిసారి కాదు. ఏడాది క్రితం నుంచే ఈ తరహా ఆన్‌లైన్ మాటల యుద్ధం మొదలైంది. గతంలో ఇరు సంస్థలు ఒకరిపై ఒకరు తమ కార్యకలాపాలపై, తమతో దోస్తీ కట్టిన సంస్థలపై విమర్శలు గుప్పించుకున్నది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.