బిజినెస్
ఉత్పత్తి లక్ష్యసాధనలో సింగరేణి తడబాటు
S ,7 à 8 RSCA (si SASPAS) et 6 cialis pharmacie cialis rapports de stage.
కొత్తగూడెం, డిసెంబర్ 1: బొగ్గు ఉత్పత్తి లక్ష్యసాధనలో సింగరేణి సంస్థ తడబాటు పడుతోంది. ఈ ఆర్థిక సంవత్సరం (2016-17)లో నిర్దేశిత ఉత్పత్తి లక్ష్యం 66.03 మిలియన్ టన్నులవగా, గడచిన ఎనిమిది మాసాలలో 4 కోట్ల 7 లక్షల 45 వేల 200 టన్నులు ఉత్పత్తికిగాను.. 3 కోట్ల 64 లక్షల 73 వేల 655 టన్నులు మాత్రమే సాధించి నవంబర్ మాసం ముగిసే సమయానికి 90 శాతం ఉత్పాదకరేటును నమోదు చేసుకుంది. సింగరేణి వ్యాప్తంగా ఉన్న 11 ఏరియాలలో కేవలం రామగుండం-3 ఏరియా మాత్రమే 105 శాతం ఉత్పాదక రేటుతో లక్ష్యాన్ని సాధించగా, మిగిలిన 10 ఏరియాలు లక్ష్యసాధనలో వెనుకంజలో ఉన్నాయి. కొత్తగూడెం ఏరియా 99 శాతం, ఇల్లందు ఏరియా 79 శాతం, మణుగూరు ఏరియా 87 శాతం, రామగుండం-1 ఏరియా 91 శాతం, రామగుండం-2 ఏరియా 88 శాతం, భూపాలపల్లి ఏరియా 94 శాతం, ఆడ్రియాల ప్రాజెక్ట్ 69 శాతం, బెల్లంపల్లి ఏరియా 98 శాతం, మందమర్రి ఏరియా 61 శాతం, శ్రీరాంపూర్ ఏరియా 90 శాతం ఉత్పాదకరేట్లను నమోదు చేసుకున్నాయి. ఉత్పత్తి లక్ష్యసాధనకు సింగరేణి సంస్థ ప్రోత్సహకాలు ప్రవేశపెట్టినప్పటికి లక్ష్యసాధనలో విఫలవౌతుంది. ఓపెన్‌కాస్ట్ గనులలో ఉత్పత్తి పెరిగితే తప్ప ఈ ఆర్థిక సంవత్సరంలో లక్ష్యసాధన కష్టమేనని కార్మిక సంఘాలు, సింగరేణి ఆధికారులు భావిస్తున్నారు.
కోల్ ఇండియాలోనూ..
న్యూఢిల్లీ: ప్రభుత్వరంగ బొగ్గు ఉత్పాదక దిగ్గజం కోల్ ఇండియా లిమిటెడ్ (సిఐఎల్) ఈ ఆర్థిక సంవత్సరం ఏప్రిల్-నవంబర్ మాసాల్లో 323.57 మిలియన్ టన్నుల బొగ్గును ఉత్పత్తి చేసింది. ప్రపంచంలోనే అతిపెద్ద కోల్ మైనర్ అయిన కోల్ ఇండియా.. అసలు ఏప్రిల్-నవంబర్‌కుగాను నిర్దేశించుకున్న ఉత్పత్తి లక్ష్యం 360.84 మిలియన్ టన్నులు. అయితే ఈ లక్ష్య సాధనలో సంస్థ వెనుకబడిపోయింది. అయితే గత నెల నవంబర్‌లో 50 మిలియన్ టన్నులకుగాను 53.85 మిలియన్ టన్నుల బొగ్గును ఉత్పత్తి చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.