బిజినెస్
జోరుగా మారుతి, టొయోటా అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 1: మారుతి సుజుకి, టొయోటా, రెనాల్ట్ అమ్మకాలు గత నెల నవంబర్‌లో రెండంకెల వృద్ధిని అందుకున్నాయి. పెద్ద నోట్ల రద్దు నేపథ్యంలోనూ దేశీయ ఆటోరంగ దిగ్గజం మారుతి సుజుకి దూకుడు కొనసాగడం గమనార్హం. మరోవైపు మహీంద్ర, ఫోర్డ్, హోండా అమ్మకాలు పడిపోయాయి. టాటా మోటార్స్ అమ్మకాలు 22 శాతం పెరిగినట్లు ప్రకటించింది. కాగా, మారుతి సుజుకి దేశీయ అమ్మకాలు ఈసారి 1,26,325 యూనిట్లుగా నమోదయ్యాయి. నిరుడు నవంబర్‌లో 1,10,599 యూనిట్లుగా ఉన్నాయి. ఆల్టో, వాగనార్ వాహన విక్రయాలు పుంజుకోగా, స్విఫ్ట్, ఎస్టిలో, రిట్జ్, డిజైర్, బాలెనో అమ్మకాలూ పెరిగాయి. ఇక టొయోటా కిర్లోస్కర్ మోటార్ అమ్మకాలు ఈసారి 11,309 యూనిట్లుగా ఉంటే, పోయినసారి 10,278 యూనిట్లుగా ఉన్నాయి. ఇన్నోవా క్రిస్టా, ప్లాటినమ్ ఎషియోస్ అమ్మకాలు బాగా జరిగినట్లు సంస్థ ప్రకటించింది. ఇక టాటా మోటార్స్ ప్యాసింజర్ వాహన అమ్మకాలు ఈసారి 22 శాతం పెరిగి 12,736 యూనిట్లుగా ఉంటాయి. నిరుడు 10,470 యూనిట్లుగా ఉన్నాయి. ఫోక్స్‌వాగన్ అమ్మకాలూ 1,942 యూనిట్ల నుంచి 4,014 యూనిట్లకు ఎగబాకగా, రెనాల్ట్ విక్రయాలూ 7,819 యూనిట్ల నుంచి 9,604 యూనిట్లకు ఎగిశాయి. అయితే మహీంద్ర అండ్ మహీంద్ర అమ్మకాలు 24.29 శాతం దిగజారాయి. ఫోర్డ్ విక్రయాలూ 21.62 శాతం పడిపోగా, హోండా కార్స్ అమ్మకాలు 45.42 శాతం పతనమయ్యాయి. ద్విచక్ర వాహన విభాగంలో హోండా మోటార్‌సైకిల్ అమ్మకాలు స్వల్పంగా తగ్గాయి. 3,26,466 యూనిట్ల నుంచి 3,25,448 యూనిట్లకు పడిపోయాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.