బిజినెస్
మూడో రోజూ నష్టాలే
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 16: అమెరికా ఫెడరల్ రిజర్వ్ బ్యాంక్ వచ్చే ఏడాది మరింతగా వడ్డీ రేట్లు పెంచవచ్చన్న భయాలకు తోడు నోట్ల రద్దులాంటి పరిణామాలతో దేశీయ స్టాక్ మార్కెట్లు శుక్రవారం వరసగా మూడో రోజు కూడా నష్టాల్లో ముగిశాయి. అయితే అంతర్జాతీయ మార్కెట్లలో సానుకూల సంకేతాలతో ఈ నష్టాలు శుక్రవారం చాలావరకు తగ్గాయి. బిఎస్‌ఇ సెనె్సక్స్ 29.51 పాయింట్లు తగ్గగా, నేషనల్ స్టాక్ ఎక్స్‌చేంజి సూచీ నిఫ్టీ 14.15 పాయింట్లు తగ్గింది. అయితే ఈ వారంలో సెనె్సక్స్ 257.62 పాయింట్లు, నిఫ్టీ 122.30 పాయింట్లు నష్టపోయాయి. నెల రోజుల్లో ఒక వారంలో దేశీయ ప్రధాన సూచీలు ఇంతగా నష్టపోవడం ఇదే మొదటిసారి. ఒక దశలో 26,594.55 పాయింట్ల గరిష్ఠస్థాయిని, 26,455.21 పాయింట్ల కనిష్టస్థాయిని తాకిన సెనె్సక్స్ చివరికి 29.51 పాయింట్ల నష్టంతో 26,489.56 పాయింట్ల వద్ద ముగిసింది. అలాగే 8178.70-8,127.45 పాయింట్ల మధ్య కదలాడిన నిఫ్టీ సైతం 14.15 పాయింట్ల నష్టంతో 8,139.45 పాయింట్ల వద్ద ముగిసింది. అంతర్జాతీయంగా యూరోతో డాలరు 14 ఏళ్ల గరిష్ఠస్థాయికి చేరడం కూడా మార్కెట్ కష్టాలకు కారణమైంది. సెనె్సక్స్‌లోని షేర్లలో భారతీ ఎయిర్‌టెల్, ఒఎన్‌జిసి షేర్లు అత్యధికంగా నష్టపోగా, అరబిందో ఫార్మా, అదానీ పోర్ట్స్, ఐసిఐసిఐ బ్యాంక్, ఐటిసి, హీరో మోటోకార్ప్, టాటా స్టీల్, యాక్సిస్ బ్యాంక్, విప్రో, కోల్ ఇండియా, లుపిన్, బజాజ్ ఆటో, గెయిల్, ఎన్‌టిపిసి, డాక్టర్ రెడ్డీస్ షేర్లు కూడా నష్టపోయిన వాటిలో ఉన్నాయి. అయితే టాటా మోటార్స్, సిప్లా, ఇన్ఫోసిస్, టిసిఎస్‌లాంటి షేర్లు లాభపడ్డాయి. సెనె్సక్స్‌లోని 30 కంపెనీల్లో 19 కంపెనీలు నష్టపోగా, 11 కంపెనీలు లాభపడ్డాయి. ఆసియా మార్కెట్లలో మిశ్రమ ధోరణి కనిపించగా, ఐరోపా మార్కెట్లు ప్రారంభంలోనే నష్టాలు చవిచూశాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.