బిజినెస్
ఉత్పత్తిలో హైదరాబాద్ ఎన్‌ఎఫ్‌సి ప్రపంచ రికార్డు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 9: ప్రపంచంలోనే అత్యధిక అణు ఇంధన ఉత్పత్తి కేంద్రంగా హైదరాబాద్‌లోని అణు ఇంధన సంస్థ (ఎన్‌ఎఫ్‌సి) నిలిచింది. గత 2015-16 ఆర్థిక సంవత్సరంలో అణు రియాక్టర్లలో ఉపయోగించే 1503 మెట్రిక్ టన్నుల పీడన శక్తితో కూడిన భార జలాన్ని (పిహెచ్‌డబ్ల్యుఆర్) ఉత్పత్తి చేసింది. ఈ వివరాలను అణు ఇంధన సంస్థ చీఫ్ ఎగ్జిక్యూటివ్ ఆఫీసర్ (సిఇఒ) డాక్టర్ ఎన్ సాయిబాబా తెలిపారు.
శనివారం ఇక్కడ ఆయన విలేఖర్లతో మాట్లాడుతూ 2014-15 సంవత్సరంలో 252 మెట్రిక్ టన్నుల పిహెచ్‌డబ్ల్యుఆర్ ఇంధన సముదాయాలను ఉత్పత్తి చేశామన్నారు. భారత ప్రభుత్వ అణు శక్తి విభాగం అనుబంధ సంస్థల్లో ఒకటైన ఈ సంస్థ అణు రియాక్టర్లకు అవసరమయ్యే ఇంధన సముదాయాలను ఉత్పత్తి చేస్తుందన్నారు.
సంస్థ పిహెచ్‌డబ్ల్యుఆర్‌లో ఉపయోగించే ప్రెజర్ ట్యూబ్స్, కాలండ్రియా ట్యూబ్స్, గార్టర్ స్ప్రింగ్స్, రియాక్టివిటీ మెకానిజం అసెంబ్లీస్ వంటి వివిధ జిర్కోనియం మిశ్రమ లోహాలతో రూపొందించే రియాక్టర్ కోర్ స్ట్రక్చరల్ , భార జలం రియాక్టర్లలలో వినియోగించే స్క్వేర్ చానల్స్‌ను ఉత్పత్తి చేస్తుందన్నారు. తమ సంస్థ తమిళనాడులోని కల్పకంలో నిర్మితమవుతున్న ప్రోటోటైప్ ఫాస్ట్ బ్రీడర్ రియాక్టర్‌కు అవసరమైన ఇతర సముదాయాలను కూడా అందచేసిందన్నారు. అణుశక్తి, అంతరిక్ష, రక్షణ విభాగాలకు సంబంధించి కీలకమైన అవసరాలను తీర్చే వివిధ రకాలను ప్రత్యేక పదార్థాలతో చేసే సీంలెస్ ట్యూబ్స్‌ను తమ సంస్థ ఉత్పత్తి చేస్తున్నట్లు చెప్పారు. వీటిలో ముఖ్యంగా ట్రస్ రాడ్ సముదాయాలు, తేలికపాటి యుద్ధ విమానాల కొరకు హైడ్రాలిక్ ట్యూబ్స్, పృథ్వి, నాగ్, బ్రహ్మోస్ వంటి అనేక రకాల మిసైళ్ల కొరకు, యుద్ధ పరికరాల కోసం, అణు జలాంతర్గామి, అత్యాధునిక ఆల్ట్రా సూపర్ క్రిటికల్ బాయిలర్లకు ఉపయోగించే ప్రత్యేక గ్రేట్ సీంలెస్ ట్యూబ్స్, కాపర్ బ్లాంక్స్ ఉన్నాయన్నారు.
హైదరాబాద్‌లోని అణు ఇంధన సంస్థ 1970లో వంద మెట్రిక్ టన్నుల ఉత్పత్తి సామర్థ్యంతో ఏర్పాటు చేశారన్నారు. ప్రస్తుతం 18 పిహెచ్‌డబ్ల్యుఆర్ రియాక్టర్లు, తారాపూర్‌లోని 2 బిడబ్ల్యుఆర్ రియాక్టర్లకు అవసరమయ్యే విధంగా 850 మెట్రిక్ టన్నుల సామర్థ్యానికి చేరుకుందన్నారు. తమ సంస్థ 500 మెగావాట్ల ప్రోటోటైప్ ఫాస్ట్ బ్రీడర్ రియాక్టర్ ఏర్పాటుకు అవసరమైన వివిధ సబ్ అసెంబ్లీస్‌ను సకాలంలో ఉత్పత్తి చేసిందని సిఇఒ డాక్టర్ ఎన్ సాయిబాబా తెలిపారు. వచ్చే ఆరేళ్లలో 15 వేల మెగావాట్ల అణు విద్యుత్‌ను ఉత్పత్తి చేస్తామని పేర్కొన్నారు. దీనికి సాలీనా 3 వేల కోట్ల రూపాయలను ఖర్చుపెట్టనున్నట్లు చెప్పారు.
chitram 2015-16 ఆర్థిక సంవత్సరం ఉత్పత్తి వివరాలను తెలియజేస్తున్న ఎన్‌ఎఫ్‌సి ప్రతినిధులు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.