బిజినెస్
పాత పెద్ద నోట్ల రద్దుతో జోరుగా ఎం-వాలెట్ లావాదేవీలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 27: పాత పెద్ద నోట్ల రద్దు నేపథ్యంలో నగదు రహిత ఆర్థిక లావాదేవీల విలువ మున్ముందు మరింత పెరుగుతుందని, ముఖ్యంగా 2022 నాటికి మొబైల్ ద్వారా చెల్లింపులు 57 శాతం పుంజు కుంటాయని అసోచామ్, ఆర్‌ఎ న్‌సిఒఎస్ సంయుక్తంగా ఎం-వాలెట్ కార్యకలాపాలపై నిర్వహించిన సర్వే చెబుతోంది. మంగళవారం ఇక్కడ ఏర్పాటు చేసిన విలేఖరుల సమావేశంలో అసోచామ్ సెక్రటరీ జనరల్ డిస్ రావత్, అసోచామ్ నేషనల్ కౌన్సిల్ ఆన్ సైబర్ అండ్ నెట్‌వర్క్ సెక్యూరిటీ చైర్మన్ బాబూలాల్ జైన్ మాట్లాడుతూ పాత పెద్ద నోట్ల రద్దు తర్వాత ఎం-వాలెట్ కార్యకలాపాలు పుంజుకున్నాయన్నారు. ప్రస్తుతం దేశంలో ఎం-వాలెట్ కార్యకలాపాలు 20 శాతం పెరిగాయని, 2022 నాటికి 57 శాతం విస్తరిస్తాయన్నారు. కాగా, 2013లో పది బిలియన్ రూపాయలుగా ఉన్న ఎం-వాలెట్ లావాదేవీలు.. 2016కు 206 బిలియన్ రూపాయలకు చేరుకున్నాయని చెప్పారు. ఎం-వాలెట్ మార్కెట్ శరవేగంగా విస్తరిస్తోందని, పాత పెద్ద నోట్ల రద్దు నేపథ్యంలో ఈ మార్కెట్ సైజు 200లకుపైగా శాతం పెరిగి 2022 నాటికి 275 ట్రిలియన్ రూపాయలకు చేరుకోవచ్చన్నారు. కాగా, మొబైల్ వాలెట్ రంగాన్ని సమర్థవంతంగా, సైబర్ నేరాలకు ఆస్కారం లేకుండా నిర్వహించాల్సిన అవసరం ఉందన్నారు. కాబట్టి నిబంధనల్లో స్పష్టత ఉండాలని, రిజర్వు బ్యాంక్ ఆఫ్ ఇండియా (ఆర్‌బిఐ) ఎం-వాలెట్ కంపెనీల నిర్వహణకు మార్గదర్శకాలు విడుదల చేయాలన్నారు. కేంద్ర ప్రభుత్వం కూడా చొరవ తీసుకోవాలన్నారు. అప్పుడే డిజిటల్ లావాదేవీలకు ఊతమిచ్చినట్లవుతుందన్నారు.
చిత్రం..విలేఖరులతో మాట్లాడుతున్న అసోచామ్ ప్రతినిధి
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.