బిజినెస్
ఆకర్షించిన బ్యాంకింగ్ షేర్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 16: దేశీయ స్టాక్ మార్కెట్లు సోమవారం లాభాల్లో ముగిశాయి. బ్యాంకింగ్ షేర్లకు కొనుగోళ్ల మద్దతు లభించడంతో బాంబే స్టాక్ ఎక్స్‌చేంజ్ సూచీ సెనె్సక్స్ 50.11 పాయింట్లు పెరిగి 27,288.17 వద్ద స్థిరపడితే, నేషనల్ స్టాక్ ఎక్స్‌చేంజ్ సూచీ నిఫ్టీ 12.45 పాయింట్లు అందిపుచ్చుకుని 8,412.80 వద్ద నిలిచింది. సోమవారం ట్రేడింగ్‌లో సెనె్సక్స్ గరిష్ఠ స్థాయి 27,335.08 పాయింట్లవగా, కనిష్ట స్థాయి 27,172.68 పాయింట్లు. అలాగే నిఫ్టీ గరిష్ఠ స్థాయి 8,426.70 పాయింట్లయితే, కనిష్ట స్థాయి 8,374.40 పాయింట్లు. ప్రభుత్వరంగ బ్యాంకులకు మూలధన సాయంపై కేంద్ర ఆర్థిక మంత్రిత్వ శాఖ ఓ నిర్ణయానికి వచ్చే వీలుందన్న వార్తలు బ్యాంకింగ్ షేర్ల కొనుగోళ్లకు దారితీశాయి. దీంతో బ్యాంకింగ్ షేర్ల విలువ 0.98 శాతం పెరిగింది. కాగా, రియల్టీ, కన్జ్యూమర్ డ్యూరబుల్స్, మెటల్, ఆటో రంగాల షేర్ల విలువలు కూడా 1.61 శాతం నుంచి 0.56 శాతం వరకు ఎగబాకాయి. అయితే ఆసియా మార్కెట్లలో చైనా, జపాన్, హాంకాంగ్ సూచీలు ఒక శాతం వరకు నష్టపోతే, ఐరోపా మార్కెట్లలోనూ ఫ్రాన్స్, జర్మనీ, బ్రిటన్ సూచీలు 0.75 మేర పడిపోయాయి. మరోవైపు బిఎస్‌ఇ అనుబంధ ఎక్స్‌చేంజ్ అయిన ఇండియా ఇంటర్నేషనల్ ఎక్స్‌చేంజ్ (ఇండియా ఐఎన్‌ఎక్స్) అధికారిక ట్రేడింగ్ సోమవారం మొదలైంది. గుజరాత్ ఇంటర్నేషనల్ ఫైనాన్స్ టెక్ (గిఫ్ట్) సిటీ వద్ద ఇండియా ఐఎన్‌ఎక్స్ ఏర్పాటైనది తెలిసిందే. దీన్ని ఇటీవలే ప్రధాన మంత్రి నరేంద్ర మోదీ ప్రారంభించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.