బిజినెస్
టాటా గ్రూప్‌ను అగ్రపథాన నడిపిస్తా
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 21: టాటా సన్స్ చైర్మన్‌గా ఎన్ చంద్రశేఖరన్ మంగళవారం బాధ్యతలు స్వీకరించారు. 100 బిలియన్ డాలర్లకుపైగా విలువైన, 100కుపైగా సంస్థలున్న టాటా గ్రూప్‌నకు సారథ్యం వహిస్తున్న టాటా సన్స్‌కు చైర్మన్‌గా అన్ని సంస్థలకు సమాన ప్రాధాన్యం ఇస్తానని, నిధుల కేటాయింపులు పద్ధతిగా జరుపుతామని ఈ సందర్భంగా చంద్రశేఖరన్ స్పష్టం చేశారు. టాటాలు దేన్నీ అనుసరించరని, ఎందులోనైనాసరే వారి ఆధిపత్యమే ఉంటుందంటూ చెప్పుకొచ్చారు. నిరుడు అక్టోబర్ 24న సైరస్ మిస్ర్తి టాటా సన్స్ చైర్మన్‌గా ఉద్వాసనకు గురైనది తెలిసిందే. టాటా గ్రూప్‌లోని కొన్ని సంస్థల నిర్వీర్యానికి మిస్ర్తి కుట్రపన్నారంటూ ఆయన్ను గ్రూప్‌లోని ఒక్కో సంస్థ బోర్డుల నుంచీ తప్పించారు. ఈ క్రమంలో రతన్ టాటాకు టాటా సన్స్ బాధ్యతలు తాత్కాలికంగా అప్పగించగా, టాటా నేతృత్వంలోని కమిటీ.. 53 ఏళ్ల చంద్రశేఖరన్‌కు పగ్గాలు అందించాలని నిర్ణయించింది. ఈ క్రమంలోనే దేశీయ ఐటి రంగ దిగ్గజమైన టిసిఎస్‌కు సారథ్యం వహిస్తున్న చంద్రశేఖరన్.. చారిత్రాత్మక టాటా గ్రూప్‌నకు నాయకుడయ్యారు. మరోవైపు టాటా సన్స్ నూతన చైర్మన్‌గా బాధ్యతలు చేపట్టిన చంద్రశేఖరన్‌పై ప్రభుత్వరంగ బ్యాంకింగ్ దిగ్గజం ఎస్‌బిఐ చైర్‌పర్సన్ అరుంధతీ భట్టాచార్య పొగడ్తలు గుప్పించారు. టాటా సన్స్ బోర్డు సభ్యులు కూడా ప్రశంసలు కురిపించారు. ఇదిలావుంటే చంద్రశేఖరన్ టాటా సన్స్ చైర్మన్ కావడంతో ఆయన స్థానంలో టిసిఎస్ సిఇఒగా ఎన్నికైన గోపీనాథన్ మాట్లాడుతూ టిసిఎస్ వృద్ధిరేటు నిలకడగా కొనసాగుతుందన్న విశ్వాసాన్ని వ్యక్తం చేశారు.
చిత్రం..మంగళవారం బాంబే హౌస్‌కు చేరుకున్న టాటా సన్స్ కొత్త చైర్మన్
ఎన్ చంద్రశేఖరన్, మాజీ చైర్మన్ రతన్ టాటా
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.