బిజినెస్
హెల్త్ ఇన్సూరెన్స్‌కు విడిగా కంపెనీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 16: రియలన్స్ క్యాపిటల్ జనరల్ ఇన్సూరెన్స్ సంస్థనుంచి హెల్త్ ఇన్సూరెన్స్‌ను వేరు చేసి ప్రత్యేక ఆరోగ్య బీమా కంపెనీని ఏర్పాటు చేయబోతోంది. జనరల్ ఇన్సూరెన్స్‌నుంచి ఆరోగ్య బీమాను వేరు చేయాలన్న ప్రతిపాదనకు రిలయన్స్ క్యాపిటల్ అనుబంధ సంస్థ అయిన రిలయన్స్ జనరల్ ఇన్సూరెన్స్ కంపెనీ డైరెక్టర్ల బోర్డు ఆమోదం తెలిపింది. అయితే బీమా రెగ్యులేటర్ అయిన ఐఆర్‌డిఏఐ ఇంకా ఈ ప్రతిపాదనకు ఆమోదం తెలపాల్సి ఉంది. కొత్తగా ఏర్పాటు చేయబోయే రిలయన్స్ హెల్త్ ఇన్సూరెన్స్ సంస్థ రిలయన్స్ క్యాపిటల్‌కు వందశాతం అనుబంధసంస్థగా ఉంటుందని కంపెనీ ఒక ప్రకటనలో తెలిపింది. దేశంలో శరవేగంగా పెరుగుతున్న రంగాల్లో ఒకటైన హెల్త్ ఇన్సూరెన్స్ వ్యాపారం 2020 నాటికి రూ. 50 వేల కోట్లకు చేరుకుంటుందని అంచనా. 2016 మార్చి 31 నాటి లెక్కల ప్రకారం ఆర్‌జిఐఎల్ హెల్త్ ఇన్సూరెన్స్ పోర్ట్ఫులియో మొత్తం ప్రీమియం 570 కోట్ల రూపాయల మేరకు ఉంది. ఆరోగ్య బీమా వ్యాపారాన్ని వేరు చేయడం వల్ల కంపెనీ ఈ రంగంపై మరింత ఎక్కువ దృష్టి పెట్టడానికి వీలవుతుందని రిలయన్స్ క్యాపిటల్ తెలిపింది. కాగా, రిలయన్స్ హెల్త్ ఇన్సూరెన్స్ కంపెనీకి సిఈఓగా రవి విశ్వనాథ్ పేరును ప్రతిపాదించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.