బిజినెస్
ప్రభుత్వం కేటాయించిన గ్యాస్‌తో ఎన్‌ఎఫ్‌సిఎల్ యూరియా ఉత్పత్తి
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, మార్చి 17: ఎరువుల ఉత్పత్తిలో పేరొందిన నాగార్జున ఫెర్టిలైజర్స్ అండ్ కెమికల్స్ లిమిటెడ్ (ఎన్‌ఎఫిసిఎల్) కాకినాడ కర్మాగారాన్ని విక్రయించే ఉద్దేశం ఎంతమాత్రం లేదని, దీనిపై జరుగుతున్న అసత్య ప్రచారాన్ని నమ్మవద్దని ఆ సంస్థ యాజమాన్యం శుక్రవారం ఇక్కడ విడుదల చేసిన ప్రకటనలో స్పష్టం చేసింది. కంపెనీకిగాని, మెజారిటీ వాటాదారులకు (ప్రమోటర్స్)గాని సంస్థను అమ్మే ఉద్దేశం లేదని యాజమాన్యం పేర్కొంది. అన్ని నియమాలను సంస్థ కచ్చితంగా పాటిస్తోందని, ఇందుకు సంబంధించి ఇటీవల స్టాక్ ఎక్స్చేంజ్‌కు సవివరమైన ప్రకటన కూడా ఇచ్చామని, ఆ ప్రకటన స్టాక్ ఎక్స్చేంజ్‌కు సంబంధించిన వెబ్‌సైట్‌లో ఉందని యాజమాన్యం తెలిపింది. తమ కంపెనీకి యూరియాతోపాటు అనేక వ్యాపారాలున్నాయని, గతంలో గ్యాస్ అథారిటీ ఆఫ్ ఇండియా (గెయిల్) పైపులైన్‌లో ప్రమాదం సంభవించిన నేపథ్యంలో గ్యాస్ కొరత కారణంగా వ్యాపారంలో సంస్థ ఒడిదుడుకులను ఎదుర్కొందని, అయితే సత్వర చర్యల ద్వారా నష్టాలను తగ్గించుకునే ప్రయత్నం చేస్తున్నట్టు పేర్కొంది. ప్రభుత్వం నూతనంగా కేటాయించిన గ్యాస్‌తో యూరియా ఉత్పత్తిని పునఃప్రారంభించామని, షేర్ హోల్డర్ల ప్రయోజనాలకై అన్ని రకాల చర్యలు తీసుకుంటున్నామని సంస్థ యాజమాన్యం ప్రకటనలో స్పష్టం చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.