బిజినెస్
ఈక్విటీ మార్కెట్లలో మరో 15 శాతం ఇపిఎఫ్‌ఓ పెట్టుబడులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 19: దేశీయ స్టాక్ మార్కెట్లు అభివృద్ధి పథంలో పయనిస్తుండటంతో ఉద్యోగ భవిష్య నిధి సంస్థ (ఇపిఎఫ్‌ఓ) పెట్టుబడులు పెట్టదగిన మొత్తంలో 15 శాతం మేరకు నిధులను వచ్చే ఆర్థిక సంవత్సరం ఈక్విటీ మార్కెట్లలో పెట్టాలని యోచిస్తోంది. కేంద్ర కార్మిక శాఖ మంత్రి బండారు దత్తాత్రేయ ఆదివారం ఈ విషయాన్ని వెల్లడించారు. ‘వచ్చే ఆర్థిక సంవత్సరంలో 15 శాతం మేరకు నిధులను ఈక్విటీ మార్కెట్లలో పెట్టుబడిగా పెట్టాలని మేము యోచిస్తున్నాం. ఈ నెల 30వ తేదీన జరిగే ఇపిఎఫ్ కేంద్ర ట్రస్టు బోర్డు సభ్యుల సమావేశంలో దీనిపై అభిప్రాయాన్ని తీసుకుంటాం. గత ఏడాదిన్నర కాలంలో మేము ఈక్విటీ మార్కెట్లలో రూ.18,069 కోట్ల పెట్టుబడులు పెట్టి ప్రోత్సాహకరమైన ఫలితాలను సాధించాం’ అని దత్తాత్రేయ పిటిఐ వార్తా సంస్థకు వివరించారు. దేశంలోని ప్రధాన స్టాక్ మార్కెట్లయిన బిఎస్‌ఇ సెనె్సక్స్, ఎన్‌ఎస్‌ఇ నిఫ్టీల్లోని ఎక్స్‌చేంజి ట్రేడెడ్ ఫండ్స్ (ఇటిఎఫ్)లో ఇపిఎఫ్‌ఓ ప్రస్తుత ఆర్థిక సంవత్సరంలో ఫండ్ మేనేజర్ల ద్వారా ఇప్పటివరకూ పెట్టిన రూ.14,700 కోట్ల పెట్టుబడులకు 18.13 లాభాలు వచ్చాయని ఆయన చెప్పారు. ఇపిఎఫ్‌ఓ పెట్టుబడులు పెట్టదగిన మొత్తంలో ప్రతి సంవత్సరం 5 నుంచి 15 నిధులను ఈక్విటీ మార్కెట్లలో పెట్టుబడులుగా పెట్టేందుకు ఆర్థిక మంత్రిత్వ శాఖ అనుమతి ఇచ్చిందని సీనియర్ అధికారి ఒకరు తెలిపారు. ఇప్పటికే వివిధ సంస్థల్లో పెట్టిన పెట్టుబడుల ద్వారా ఇపిఎఫ్‌ఓకి వచ్చే ఆదాయంతో పాటు తాజాగా వచ్చే చందాలను పెట్టుబడులు పెట్టదగిన మొత్తంగా పరిగణిస్తున్నారు. 8 లక్షల కోట్ల రూపాయలకు పైగా మూలనిధికి మేనేజర్‌గా వ్యవహరిస్తున్న ఇపిఎఫ్‌ఓ 2015 ఆగస్టు నుంచి ఇటిఎఫ్‌లలో పెట్టుబడులు పెడుతున్న విషయం తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.