బిజినెస్
దుమ్మురేపిన డీ-మార్ట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 21: రిటైల్ వ్యాపార విభాగం డీ-మార్ట్ నిర్వహణదారైన అవెన్యూ సూపర్‌మార్ట్స్ షేర్లు.. మదుపరులను విపరీతంగా ఆకట్టుకున్నాయి. దేశీయ స్టాక్ మార్కెట్లలో మంగళవారం అవెన్యూ సూపర్‌మార్ట్స్ షేర్ల లిస్టింగ్ జరగగా, తొలిరోజే షేర్ విలువ ఏకంగా 114 శాతానికిపైగా లాభపడింది. 299 రూపాయల విలువతో స్టాక్ మార్కెట్లలోకి అడుగిడిన అవెన్యూ సూపర్‌మార్ట్స్ షేర్.. బాంబే స్టాక్ ఎక్స్‌చేంజ్ (బిఎస్‌ఇ) ట్రేడింగ్ ప్రారంభమయ్యాక 102.14 శాతం వృద్ధితో 604.40 రూపాయలను తాకింది. ముగిసే సమయానికి 114.29 శాతం లాభంతో 640.75 రూపాయల వద్ద స్థిరపడింది.
ఒక దశలోనైతే 117.39 శాతం వృద్ధిని నమోదు చేస్తూ 650 రూపాయలకు చేరింది. ఇక నేషనల్ స్టాక్ ఎక్స్‌చేంజ్ (ఎన్‌ఎస్‌ఇ)లో 114.58 శాతం లాభంతో 641.60 రూపాయల వద్ద ముగిసింది అవెన్యూ సూపర్‌మార్ట్స్ షేర్ విలువ. కాగా, రాధాకిషన్ దమని నేతృత్వంలోని ఈ సంస్థ.. ఇటీవలే 1,870 కోట్ల రూపాయల విలువైన ఇనీషియల్ పబ్లిక్ ఆఫర్ (ఐపిఒ)తో మదుపరుల ముందుకు వచ్చినది తెలిసిందే. 145.67 లక్షల షేర్లను అమ్మకానికి పెట్టింది.
‘ఈ మధ్య కాలంలో లిస్టింగ్ సందర్భంగా మదుపరులను అమితంగా ఆకర్షించి, అధిక లాభాలను అందుకున్న సంస్థ ఇదే.’ అని అవెన్యూ సూపర్‌మార్ట్స్ స్టాక్ మార్కెట్ల ప్రవేశంపై స్పందిస్తూ శామ్‌కో సెక్యూరిటీస్ సిఇఒ జిమీత్ మోదీ అన్నారు. నిరుడు అక్టోబర్‌లో నమోదైన 3,000 కోట్ల రూపాయల విలువైన పిఎన్‌బి హౌసింగ్ ఫైనాన్స్ ఐపిఒ తర్వాత వచ్చిన అతిపెద్ద ఐపిఒ అవెన్యూ సూపర్‌మార్ట్సే. ఈ నెల ఆరంభంలో ముందుకొచ్చిన అవెన్యూ సూపర్‌మార్ట్స్ ఐపిఒ.. 104 రెట్లకుపైగా సబ్‌స్క్రైబ్ అయ్యింది. మార్చి 8-10 తేదీల్లో వచ్చిన ఈ పబ్లిక్ ఇష్యూలో షేర్ ధర 295-299 రూపాయలుగా ఉంది. మదుపరుల విశేష స్పందనతో 299 రూపాయల గరిష్ఠ ధరకు స్టాక్ మార్కెట్లలోకి ప్రవేశించాయి అవెన్యూ సూపర్‌మార్ట్స్ షేర్లు. కాగా, నిరుడు వచ్చిన ఐపిఒల్లో అడ్వాన్స్‌డ్ ఎంజైమ్ ఐపిఒ 116 రెట్లు, క్వెస్ కార్ప్ 145 రెట్లు సబ్‌స్క్రైబ్ అయ్యాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.