బిజినెస్
నిరాశ పరిచిన ఇన్ఫోసిస్
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, ఏప్రిల్ 13: దేశంలో రెండవ అతిపెద్ద ఐటి సేవల సంస్థ ఇన్ఫోసిస్ గురువారం జనవరి-మార్చి త్రైమాసిక ఫలితాలను ప్రకటించింది. అయితే ఈ ఫలితాలు మార్కెట్ అంచనాలకు తగ్గట్టుగా లేకపోవడం మదుపరులను నిరాశపరిచింది. ఫలితంగా ఆ కంపెనీ షేరు 3 శాతానికి పైగా పడిపోయింది. మరోవైపు సంస్థ తన వద్ద పేరుకుపోయిన నగదు నిల్వలనుంచి దాదాపు 13 వేల కోట్ల రూపాయలను షేర్ల బైబ్యాంక్, డివిడెండ్ చెల్లింపుల ద్వారా తన వాటాదారులకు తిరిగి చెల్లించాలని సంస్థ నిర్ణయించింది. జనవరి-మార్చి త్రైమాసికానికి ఇన్ఫోసిస్ ఏకీకృత నికర లాభం గత ఏడాది ఇదే సమయంతో పోలిస్తే కేవలం 0.2 శాతం పెరిగి రూ. 3,603 కోట్లకు చేరుకోగా, రాబడి 3.4 శాతం పెరిగి రూ. 17,120 కోట్లకు చేరుకొంది. అయితే గత త్రైమాసికంతో పోలిస్తే కంపెనీ నికర లాభం 2.8 శాతం తగ్గగా, రాబడి 0.9 శాతం తగ్గడం గమనార్హం. కాగా, సీజన్ పరంగా చూసినట్లయితే మాంద్యంగా ఉండే త్రైమాసికంలో ఊహించని సవాళ్లను పరిష్కరించాల్సి రావడం కారణంగా కంపెనీ ఓవరాల్ పని తీరుపై ప్రభావం పడిందని కంపెనీ సిఈఓ విశాల్ సిక్కా తెలిపారు. కాగా, 2017-2018 ఆర్థిక సంవత్సరంలో కంపెనీ ఆదాయ వృద్ధి స్థిర కరెన్సీలో 6.5 శాతంనుంచి 8.5 శాతం మధ్య ఉండవచ్చని భావిస్తున్నట్లు సిక్కా తెలిపారు. డాలర్ల లెక్కలో చూసినట్లయితే ఇన్ఫోసిస్ నికర లాభం జనవరి-మార్చి త్రైమాసికంలో 1.8 శాతం పెరిగి 543 మిలియన్ డాలర్లకు చేరుకోగా, రెవిన్యూ 5 శాతం పెరిగి 2.5 బిలియన్ డాలర్లుగా నమోదయింది. కాగా, మొత్తం సంవత్సరానికి చూస్తే నికర లాభం 4.3 శాతం పెరిగి 2.1 బిలియన్ డాలర్లకు చేరుకోగా, రెవిన్యూ 7.4 శాతం పెరిగి 10.2 బిలియన్ డాలర్లుగా నమోదైంది. కాగా, 2016-17 సంవత్సరానికి ప్రతిషేరుకు రూ.14.75లు పూర్తి డివిడెండ్‌ను చెల్లించాలని కంపెనీ బోర్డు సిఫార్సు చేసింది.
ఇదిలా ఉండగా,కాగ్నిజెంట్, టిసిఎస్ తరహాలోనే ఇన్ఫోసిస్ కూడా తన మిగులు నగదు నిల్వలనుంచి షేర్ల బైబ్యాక్ లేదా డివిడెండ్ల చెల్లింపుద్వారా రూ. 13 వేల కోట్ల రూపాయలను షేర్‌హోల్డర్లకు తిరిగి చెల్లించాలని నిర్ణయించింది. కాగ్నిజెంట్ 3.4 మిలియన్ డాలర్ల బైబ్యాక్‌ను ప్రకటించగా, టిసిఎస్ రూ. 16 వేల కోట్లు తన వాటాదారులకు తిరిగి చెల్లిస్తున్న విషయం తెలిసిందే. కంపెనీ సామర్థ్యం, మార్జిన్లపై ప్రధానంగా దృష్టిపెట్టినట్లు ఇన్ఫోసిస్ చీఫ్ ఫైనాన్షియల్ ఆఫీసర్ ఎండి రంగనాథ్ తెలిపారు. రాబోయే రెండేళ్ల కంపెనీ అవసరాలను దృష్టిలో పెట్టుకొని ఈ నిర్ణయం తీసుకున్నట్లు ఆయన చెప్పారు. ఇన్ఫోసిస్ వద్ద ప్రస్తుతం దాదాపు 4 బిలియన్ డాలర్ల మేర నగదు నిల్వలున్నాయి. ఇదిలా ఉండగా, కంపెనీ కో చైర్మన్‌గా ఇండిపెండెంట్ డైరెక్టర్ రవి వెంకటేశన్‌ను నియమించినట్లు కంపెనీ బోర్డు ప్రకటించింది.
చిత్రం..క్యు-4్ఫలితాలను ప్రకటిస్తున్న ఇన్ఫోసిస్ సిఇఓ
విశాల్ సిక్కా
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.