బిజినెస్
స్టార్టప్‌లకు సానుకూలం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 22: స్టార్టప్ కంపెనీలకు ఆంధ్రప్రదేశ్‌లో అనుకూల వాతావరణం ఏర్పడుతోందని, రానున్న రోజుల్లో విశాఖలో పెద్ద ఎత్తున ఫిన్‌టెక్ వాలీలో అంకుర సంస్థల ఏర్పాటుకు ముమ్మర చర్యలు తీసుకుంటున్నామని రాష్ట్ర ప్రభుత్వ ఐటి సలహాదారు జెఎ చౌదరి వెల్లడించారు. గీతం యూనివర్శిటీలో శనివారం జరిగిన క్రిప్టో కరెన్సీ వర్క్‌షాప్‌లో ఆయన పాల్గొన్నారు. ఈ సందర్భంగా మాట్లాడుతూ ఐటి రంగంపై మోజుతో సామాన్య శాస్త్రాలను నిర్లక్ష్యం చేయకూడదని, ముఖ్యంగా డిజిటల్ యుగంలో ఆర్ట్ఫిషియల్ ఇంటిలిజెన్స్, స్టాటస్టిక్స్, అనలిటిక్స్ వంటివి అధ్యయనం చేసినప్పుడే ఐటి రంగంలో కొత్త మార్పులను అందుకోగలమన్నారు. ప్రపంచ ఆర్థిక రంగంలో క్రిప్టో కరెన్సీ ప్రాధాన్యత సంతరించుకుంటోందని, ముఖ్యంగా ఐటి రంగంలో జరిగే ఆర్థిక లావాదేవీలకు ముప్పు వాటిల్లకుండా ఉపయోగపడుతుందన్నారు. దీనిపై త్వరలోనే విశాఖ ఫిన్‌టెక్ వాలీ.. కోల్‌కత్తాలోని ఆర్‌సి బోస్ సెంటర్ ఫర్ క్రిప్టాలజీ అండ్ సెక్యూరిటీ సంస్థతో అవగాహన ఒప్పందం కుదుర్చుకోనుందన్నారు. యూనియన్ బ్యాంక్ ఆఫ్ స్విట్జర్లాండ్ మేనేజింగ్ డైరెక్టర్ ఎన్‌టి అరుణ్‌కుమార్ మాట్లాడుతూ ప్రపంచ ఆర్థిక రంగంలో బ్యాంకింగ్‌సహా అన్ని వ్యవస్థలు డిజిటలైజేషన్‌తో ముందుకు సాగుతున్నాయని, కరెన్సీ నోట్లతో సమానంగా వర్చువల్ కరెన్సీ వినియోగంలో ఉందన్నారు.
ఆర్థిక నియంత్రణ సంస్థల ప్రమేయం ఉన్నా.. లేకున్నా భవిష్యత్‌లో క్రిప్టో కరెన్సీ ప్రధాన భూమిక పోషిస్తుందన్నారు. అయితే ప్రస్తుతం ఆర్థిక రంగంలో భద్రతకు ప్రాధాన్యత ఇవ్వాల్సిన అవసరం పెరుగుతోందని తెలిపారు. క్రిప్టో కరెన్సీ వినియోగంతోపాటు సైబర్ సెక్యూరిటీ అంశాలను పరిగణలోకి తీసుకోవాలని సూచించారు. గీతం ఇనిస్టిట్యూట్ ఆఫ్ మేనేజ్‌మెంట్ ప్రిన్సిపల్ ప్రొఫెసర్ పి షీల మాట్లాడుతూ క్రిప్టో కరెన్సీ, బ్లాక్‌చైన్ టెక్నాలజీ వంటివి ఆర్థిక భద్రతకు ఉపయోగపడేలా మలచుకోవాలన్నారు. గీతం ఫిన్‌టెక్ అకాడమీ ద్వారా ఫిన్‌టెక్ వాలీకి అవసరమైన మానవ వనరులను సమకూరుస్తామన్నారు. కార్యక్రమంలో ఇండియన్ స్టాటస్టికల్ ఇనిస్టిట్యూట్‌కు చెందిన ఆర్‌సి బోస్ సెంటర్ ఫర్ క్రిప్టాలజీ అండ్ సెక్యూరిటీ విభాగాధిపతి ప్రొఫెసర్ బిమల్ రాయ్ కరెన్సీ ప్రాధాన్యతను వివరించారు.
చిత్రం..గీతం యూనివర్శిటీలో మాట్లాడుతూన్న చౌదరి
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.