బిజినెస్
ఏప్రిల్ నెల ఆటో అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 2: దేశీయ ఆటోరంగ సంస్థ మహీంద్ర అండ్ మహీంద్ర.. గత నెల మొత్తం అమ్మకాలు 6 శాతం క్షీణించి 39,357 యూనిట్లుగా నమోదయ్యాయి. నిరుడు ఏప్రిల్‌లో 41,863 యూనిట్ల విక్రయాలు జరిగాయి. దేశీయంగా ఈసారి 37,829 యూనిట్ల అమ్మకాలు జరగగా, ఎగుమతులు 1,528 యూనిట్లుగా ఉన్నాయని సంస్థ తెలిపింది.
మహీంద్ర ట్రాక్టర్
మహీంద్ర అండ్ మహీంద్ర ట్రాక్టర్ల తయారీ విభాగం మహీంద్ర ట్రాక్టర్ల అమ్మకాలు ఏప్రిల్‌లో 22 శాతం పెరిగి 26,001 యూనిట్లుగా నమోదయ్యాయి. నిరుడు ఏప్రిల్‌లో 21,386 యూనిట్లుగా ఉన్నాయి. ఎగుమతులు ఈసారి 920, పోయినసారి 682 యూనిట్లుగా ఉన్నాయి.
ఫోర్డ్ ఇండియా
ఫోర్డ్ ఇండియా మొత్తం విక్రయాలు ఈ ఏప్రిల్‌లో 52.69 శాతం ఎగిసి 25,149 యూనిట్లుగా ఉన్నాయి. నిరుడు ఇదే నెల 16,470 యూనిట్లకే పరిమితమయ్యాయి. దేశీయంగా ఈసారి 7,618 యూనిట్లు, ఎగుమతులు 17,531 యూనిట్లుగా ఉన్నాయని ఫోర్డ్ తెలిపింది.
అశోక్ లేలాండ్
హిందుజా గ్రూప్ ప్రతిష్ఠాత్మక సంస్థ అశోక్ లేలాండ్ ఈ ఏడాది ఏప్రిల్‌లో 7,083 వాహనాలను అమ్మింది. నిరుడు ఇదే నెల అమ్మకాలు 10,182 యూనిట్లుగా ఉన్నాయి. ఈసారి భారీ, మధ్యశ్రేణి వాహన విక్రయాలు 4,525 యూనిట్లుగా, తేలికపాటి వాణిజ్య వాహన అమ్మకాలు 2,558 యూనిట్లుగా ఉన్నాయని అశోక్ లేలాండ్ స్పష్టం చేసింది.
హోండా మోటార్‌సైకిల్
హోండా మోటార్‌సైకిల్ అండ్ స్కూటర్ ఇండియా మొత్తం అమ్మకాలు గత నెల ఏప్రిల్‌లో 5,78,929 యూనిట్లుగా నమోదయ్యాయి. నిరుడు ఏప్రిల్‌లో 4,31,065 యూనిట్లుగా ఉన్నాయి. దేశీయంగా ఈసారి 5,51,884 యూనిట్ల అమ్మకాలు జరిగితే, ఎగుమతులు 27,045 యూనిట్లుగా ఉన్నాయి.
టివిఎస్ మోటార్
ద్విచక్ర వాహన తయారీ సంస్థ టివిఎస్ మోటార్ మొత్తం అమ్మకాలు ఈ ఏప్రిల్‌లో 2,46,310 యూనిట్లుగా, నిరుడు ఏప్రిల్‌లో 2,27,096 యూనిట్లుగా ఉన్నాయి. ఎగుమతులు ఈసారి 40,221 యూనిట్లుగా ఉన్నాయి. నిరుడు 28,354 యూనిట్లుగా ఉన్నాయి.
సుజుకి మోటార్‌సైకిల్
సుజుకి మోటార్‌సైకిల్ ఇండియా దేశీయ అమ్మకాలు ఈ ఏప్రిల్‌లో 36,289 యూనిట్లుగా ఉన్నాయి. నిరుడు 25,343 యూనిట్లుగా ఉండగా, ఎగుమతులు ఈసారి 7,535 యూనిట్లుగా, పోయినసారి 5,290 యూనిట్లుగా ఉన్నాయని సుజుకి మోటార్‌సైకిల్ వెల్లడించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.