బిజినెస్
సైబర్ దాడితో కలకలం?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 14: ప్రపంచవ్యాప్తంగా కంప్యూటర్లపై హ్యాకర్లు ‘రాన్సమ్ వేర్’ వైరస్‌తో దాడి చేస్తున్న నేపథ్యంలో హైదరాబాద్‌లో సైబర్ దాడి కలకలం రేపుతోంది. హైదరాబాద్‌లోని పలు ప్రైవేటు సంస్థల వెబ్‌సైట్లు హ్యాక్ అయినట్టు సమాచారం. అయితే తమకు లిఖితపూర్వకంగా ఎలాంటి ఫిర్యాదులు రాలేదని టెక్నికల్ సర్వీసుల విభాగం అధికారులు చెబుతున్నారు. డేటా తస్కరణకు గురి కాకుండా తెలంగాణ పోలీస్ శాఖ అప్రమత్తమైనప్పటికీ, ప్రైవేటు సంస్థలపై సైబర్ దాడి ఆగలేదు. నగరంలోని జీడిమెట్లలోని రెండు పరిశ్రమలు, కాటేదాన్, ఎల్‌బి నగర్ పరిధిలోని మరో పరిశ్రమ, సైబరాబాద్‌లోని రెండు రసాయన పరిశ్రమల వెబ్‌సైట్ల డేటా హ్యాక్ అయినట్టు తెలుస్తోంది. కంప్యూటర్లలో డేటా బ్యాకప్ చేసుకునే వీలు లేకపోడంతోనే వెబ్‌సైట్లు హ్యాకింగ్‌కు గురైనట్టు సమాచారం. బ్యాంకుల్లోని కంప్యూటర్లపై రాన్సమ్ వేర్ వైరస్ దాడి జరిగిందా? తమ ఖాతాలకు ఏమైనా ముప్పు జరిగిందా? ఖాతాల్లోని డబ్బులు బదిలీ అయ్యాయా? అనే ఆందోళన పలువురు ఖాతాదారుల్లో వ్యక్తమవుతోంది. ఆదివారం బ్యాంకులకు సెలవు కావడంతో ఖాతాదారులు మరింతగా భయపడుతున్నారు. సోమవారం బ్యాంకు వెళ్లి తమ ఖాతాల్లోని డబ్బులు చూసుకోవాలని ఖాతాదారులు ఆత్రుతతో ఉన్నారు. ఈ విషయమై టెక్నికల్ సర్వీసుల డైరెక్టర్ జనరల్ కృష్ణప్రసాద్‌ను వివరణ కోరగా ‘‘ప్రపంచమంతా సైబర్ దాడి జరుగుతోంది. హైదరాబాద్‌లోని ప్రభుత్వ, పోలీస్ శాఖలోని ఐటి సెల్ విభాగం అధికారులు అప్రమత్తమయ్యారు. టేటా తస్కరణకు గురికాకుండా తగు జాగ్రత్తలు తీసుకున్నారు. అయితే కొన్ని ప్రైవేటు సంస్థల వెబ్‌సైట్లు హ్యాక్ అయి ఉండవచ్చు’ అని ఆయన అనుమానం వ్యక్తం చేశారు. అపరిచిత వ్యక్తుల నుంచి ఈ-మెయిల్స్‌కు వచ్చే మెస్సేజ్‌లను వ్యక్తిగతంగా కూడా క్లిక్ చేయవద్దని, కంప్యూటర్లలో ఎలాంటి వీడియోలు, అటాచ్‌మెంట్లు డౌన్‌లోడ్ చేయవద్దని కృష్ణప్రసాద్ హెచ్చరించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.