బిజినెస్
కోలుకున్న స్టాక్ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 5: దేశీయ స్టాక్ మార్కెట్లు గురువారం లాభాల్లో ముగిశాయి. వరుసగా మూడు రోజులు నష్టపోయిన సూచీలు.. మదుపరుల కొనుగోళ్లతో తిరిగి లాభాలను అందుకోగలిగాయి. బాంబే స్టాక్ ఎక్స్‌చేంజ్ సూచీ సెనె్సక్స్ 160.48 పాయింట్లు పుంజుకుని 25,262.21 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 28.95 పాయింట్లు పెరిగి 7,735.50 వద్ద నిలిచింది. అంతర్జాతీయ స్టాక్ మార్కెట్ల నుంచి వచ్చిన సానుకూల సంకేతాలు, డాలర్‌తో పోల్చితే 10 పైసలు పెరిగిన రూపాయి మారకం విలువ.. మార్కెట్ సెంటిమెంట్‌ను పెంచాయి. మరోవైపు కేంద్ర ఆర్థిక శాఖ మంత్రి అరుణ్ జైట్లీ ఆర్థిక బిల్లు 2016లో 55 సవరణలు చేసిన అనంతరం లోక్‌సభలో సదరు బిల్లు ఆమోదం పొందింది. ఈ ప్రభావం కూడా మదుపరులపై కొంత కనిపించిందని మార్కెట్ నిపుణులు గురువారం నాటి ట్రేడింగ్ సరళిని విశే్లషిస్తున్నారు. ఇకపోతే క్యాపిటల్ గూడ్స్, ఇండస్ట్రియల్స్, ఎఫ్‌ఎమ్‌సిజి, ఆటో, పవర్, ఫైనాన్స్, మెటల్ రంగాల షేర్ల విలువ 1.60 శాతం నుంచి 0.33 శాతం పెరిగింది. అయితే టెలికామ్, కన్జ్యూమర్ డ్యూరబుల్స్, చమురు, గ్యాస్ రంగాల షేర్ల విలువ 1.81 శాతం నుంచి 0.16 శాతం మేర తగ్గింది. అంతర్జాతీయంగా ఆసియా మార్కెట్లలో హాంకాంగ్, సింగపూర్, తైవాన్ సూచీలు 0.19 శాతం నుంచి 0.37 శాతం పెరిగాయి. చైనా సూచీ కూడా 0.22 శాతం పెరిగింది. ఐరోపా మార్కెట్లలో ఫ్రాన్స్, జర్మనీ, బ్రిటన్ సూచీలు కూడా 0.18 శాతం నుంచి 0.59 శాతం వరకు లాభాలను అందుకున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.