బిజినెస్
ఇన్ఫోసిస్ లాభం రూ. 3,483 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, జూలై 14: ఈ ఆర్థిక సంవత్సరం (2017-18) తొలి త్రైమాసికానికి (ఏప్రిల్-జూన్)గాను దేశీయ రెండో అతిపెద్ద ఐటి రంగ సంస్థ ఇన్ఫోసిస్ ప్రకటించిన లాభాలు దేశీయ స్టాక్ మార్కెట్లలోని మదుపరులను ఏమాత్రం కూడా ఆకట్టుకోలేకపోయాయి.
గతంతో పోల్చితే 1.3 శాతం మాత్రమే ఇన్ఫోసిస్ లాభం పెరిగింది. ఈసారి 3,483 కోట్ల రూపాయలుగా నమోదైతే, గత ఆర్థిక సంవత్సరం (2016-17) ఏప్రిల్-జూన్‌లో 3,436 కోట్ల రూపాయలుగా నమోదైంది. ఆదాయం ఈసారి 1.7 శాతం పెరిగి 17,078 కోట్ల రూపాయలుగా ఉంది. నిరుడు 16,782 కోట్ల రూపాయలుగా ఉందని ఇన్ఫోసిస్ శుక్రవారం ఇక్కడ ప్రకటించింది. ఈ నేపథ్యంలో అటు బాంబే స్టాక్ ఎక్స్‌చేంజ్‌లో సంస్థ షేర్ విలువ 0.44 శాతం, ఇటు నేషనల్ స్టాక్ ఎక్స్‌చేంజ్‌లో 0.51 శాతం మేర పడిపోయింది. మరోవైపు డాలర్లలో చూస్తే సంస్థ లాభం 5.8 శాతం వృద్ధితో 541 మిలియన్ డాలర్లుగా నమోదైంది. ఆదాయం 6 శాతం పెరిగి 2.65 బిలియన్ డాలర్లుగా ఉంది.
ఇక జూన్ మాసాంతానికి సంస్థలో ఉద్యోగుల సంఖ్య 1.98 లక్షలుగా ఉందని ఇన్ఫోసిస్ సిఎఫ్‌ఒ రంగనాథ్ చెప్పారు. కాగా, రంగనాథ్‌ను ఇన్ఫోసిస్.. అమెరికాకు పంపిస్తోంది. ఇక అక్కడి సంస్థ కార్యకలాపాలు ఆయన ఆధ్వర్యంలో జరగనున్నాయి. మరోవైపు ఇన్ఫోసిస్ సిఇఒ విశాల్ సిక్కా.. సంస్థ ఆర్థిక ఫలితాలను ప్రకటించే మీడియా సమావేశానికి ఓ ‘డ్రైవర్‌లెస్’ బండిలో వచ్చారు.
దీన్ని తమ మైసూర్ కేంద్రంలో ఇన్ఫోసిస్ పూర్తి స్వదేశీ పరిజ్ఞానంతో రూపొందించింది. ఇకపోతే హెచ్-1బి వీసా నిబంధనల కఠినతరం నేపథ్యంలో రాబోయే రెండేళ్లలో 10,000 మందిని అమెరికాలో ఉద్యోగాల్లోకి తీసుకుంటామని ఇన్ఫోసిస్ ఈ సందర్భంగా వెల్లడించింది. ఇదే సమయంలో భారత్‌లోనూ నియామకాలు కొనసాగుతాయని స్పష్టం చేసింది.
చిత్రం..శుక్రవారం బెంగళూరులోని ప్రధాన కార్యాలయంలో ఈ ఆర్థిక సంవత్సరం తొలి త్రైమాసిక ఆర్థిక ఫలితాల ప్రకటన సందర్భంగా ఇన్ఫోసిస్ సిఇఒ విశాల్ సిక్కా (కుడి నుంచి మూడో వ్యక్తి), సిఎఫ్‌ఒ రంగనాథ్ (కుడి నుంచి రెండో వ్యక్తి), సిఒఒ ప్రవీణ్ రావు (ఎడమ నుంచి మూడో వ్యక్తి) ఇతర సీనియర్ ఉద్యోగుల బృంద చిత్రం
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.