బిజినెస్
త్వరలో సెల్ఫ్ డ్రైవింగ్ కార్లు
S ,7 à 8 RSCA (si SASPAS) et 6 cialis pharmacie cialis rapports de stage.
డెట్రాయిట్, మే 7: సెల్ఫ్ డ్రైవింగ్ కార్లు (స్వయం చోదక వాహనాలు) త్వరలో వచ్చేస్తున్నాయి. ఇవి ఇక రోడ్లపై తిరగడానికి ఎంతో కాలం పట్టదని అంతర్జాతీయ ఆటోరంగ సంస్థ ఫియట్ చెబుతోంది. నిజానికి డ్రైవర్ లేకుండానే నడిచే ఈ కార్లు అందుబాటులోకి రాబోతున్నాయనే మాట ఎప్పట్నుంచో వినిపిస్తోంది. అయితే ఇప్పుడు అది వాస్తవ రూపం దాల్చుతోందని ఫియట్ క్రిస్లర్ ఆటోమొబైల్స్ (ఎఫ్‌సిఎ) చీఫ్ ఎగ్జిక్యూటివ్ సర్జియో మార్చియొనె్న అంటున్నారు. టెక్నాలజీ దిగ్గజం గూగుల్ మాతృ సంస్థ ఆల్ఫాబెట్‌తో కలిసి పనిచేసేందుకు ఎఫ్‌సిఎ కొద్ది రోజుల క్రితమే అంగీకరించిన నేపథ్యంలో పూర్తి స్థాయలో మరో ఐదేళ్లలో సెల్ఫ్ డ్రైవింగ్ కార్లు రోడ్లపైకి వస్తాయని సర్జియో చెబుతున్నారు. ‘దాదాపు 20 ఏళ్లుగా సెల్ఫ్ డ్రైవింగ్ కార్ల గురించి ప్రజలు మాట్లాడుకుంటున్నారు. రాబోయే ఐదేళ్లలో ఇవి అందుబాటులోకి వస్తాయని నేననుకుంటున్నాను.’ అని అన్నారు. ఆల్ఫాబెట్ సంస్థ తమ గూగుల్ సెల్ఫ్ డ్రైవింగ్ కార్లను భారీ ఎత్తున విస్తరించే దిశలో భాగంగా ఈ వారం ఎఫ్‌సిఎతో చేతులు కలిపింది. అయితే దీనికి సంబంధించిన ఆర్థికపరమైన లావాదేవీలను తెలిపేందుకు సర్జియో నిరాకరించారు. ఇటలీ-అమెరికన్ బహుళజాతి సంస్థ అయిన ఎఫ్‌సిఎ.. ప్రస్తుతం ఆటో రంగంలో ప్రపంచంలోనే ఏడో అతిపెద్ద సంస్థగా ఉంది. ఒంటారియాలోని విండ్సర్ వద్దనున్న 88 ఏళ్ల చరిత్ర కలిగిన ప్లాంట్‌లో కొత్తగా ‘2017 క్రిస్లర్ పసిఫికా మినీవ్యాన్ల’ ఉత్పత్తిని శుక్రవారం ఎఫ్‌సిఎ ప్రారంభించింది. ఈ సందర్భంగా సంస్థ సిఇఒ సర్జియో విలేఖరులతో మాట్లాడుతూ ఈ ఏడాది ఆఖరుకల్లా ఈ హైబ్రిడ్ మినీవ్యాన్లు రోడ్డెక్కుతాయన్నారు. గూగుల్ సెల్ఫ్ డ్రైవింగ్ హార్డ్‌వేర్‌కు బ్యాటరీ ఎలక్ట్రిక్ పవర్‌తో రూపొందిస్తున్న ఈ మినీవ్యాన్లు సరిగ్గా సరిపోతాయన్నారు. ఈ క్రమంలోనే రాబోయే ఐదేళ్లలో సెల్ఫ్ డ్రైవింగ్ కార్లు రానున్నాయని ఆయన చెప్పారు. మరోవైపు ‘ఎఫ్‌సిఎ తయారు చేస్తున్న మినీవ్యాన్లు మా సెల్ఫ్ డ్రైవింగ్ వ్యవస్థను సులభంగా స్వీకరిస్తాయి. సెల్ఫ్ డ్రైవింగ్ సాఫ్ట్‌వేర్‌ను కలిగి ఉన్న మా కంప్యూటర్లకు ఇవి సరిగ్గా సరిపోతాయి. వాహనం రహదారిపై వెళ్తున్నప్పుడు చుట్టుప్రక్కల ఏమున్నాయో అన్నది సెన్సార్ల ద్వారా గ్రహిస్తుంది.’ అని గూగుల్ ప్లస్ సోషల్ నెట్‌వర్క్‌లో సెల్ఫ్ డ్రైవింగ్ కార్ తయారీ బృందం చెప్పింది. ఇదిలావుంటే తమ సెల్ఫ్ డ్రైవింగ్ టెక్నాలజీకి లైసెన్సు లేదని, కాబట్టి ఇంకా ఈ కార్ల అమ్మకాలపై దృష్టి పెట్టడం లేదని ఆల్ఫాబెట్ తెలిపింది. అలాగే వీటి ధర, ఎలాంటి సౌకర్యాలు వీటిలో పెట్టాలన్న తదితర అంశాలపై ఏకాభిప్రాయానికి రాలేదంది. అయినప్పటికీ త్వరలోనే ఈ కార్లను అందిస్తామన్న ఆశాభావాన్ని సర్జియో వ్యక్తం చేశారు.
chitram విలేఖరులతో మాట్లాడుతున్న ఎఫ్‌సిఎ చీఫ్ ఎగ్జిక్యూటివ్ సర్జియో మార్చియొనె్న
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.