బిజినెస్
9,900 స్థాయిని అధిగమించిన నిఫ్టీ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 17: దేశీయ స్టాక్ మార్కెట్లు సోమవారం మరో సరికొత్త స్థాయిని చేరుకున్నాయి. అటు బాంబే స్టాక్ ఎక్స్‌చేంజ్ సూచీ సెనె్సక్స్, ఇటు నేషనల్ స్టాక్ ఎక్స్‌చేంజ్ సూచీ నిఫ్టీ నూతన ఆల్‌టైమ్ హైని నెలకొల్పాయి. సెనె్సక్స్ 54.03 పాయింట్లు పెరిగి మునుపెన్నడూ లేనివిధంగా 32,074.78 వద్ద ముగియగా, నిఫ్టీ 29.60 పాయింట్లు అందుకుని, తొలిసారిగా 9,900 స్థాయికి ఎగువన 9,915.95 వద్ద నిలిచింది. దీంతో సెనె్సక్స్ గత రికార్డు 32,037.38 పాయింట్లు, నిఫ్టీ గత రికార్డు 9,891.70 పాయింట్ల స్థాయిలు కనుమరుగైపోయాయి.
కాగా, ఒకానొక దశలో సెనె్సక్స్ 32,131.92 పాయంట్లు, నిఫ్టీ 9,920.30 పాయంట్ల ఇంట్రా-డే రికార్డును నెలకొల్పాయ. రియల్టీ, మెటల్, ఐటి, టెక్నాలజీ రంగాల షేర్లు లాభపడ్డాయి. అంతర్జాతీయంగా ఆసియా మార్కెట్లలో చాలావరకు సూచీలు లాభాల్లోనే కదలాడాయి. కాగా, సోమవారం ట్రేడింగ్‌లో ముకేశ్ అంబానీ నేతృత్వంలోని రిలయన్స్ ఇండస్ట్రీస్ లిమిటెడ్ (ఆర్‌ఐఎల్) మార్కెట్ విలువ సెనె్సక్స్‌లో 5 లక్షల కోట్ల రూపాయలను దాటింది. టాటా కన్సల్టెన్సీ సర్వీసెస్ (టిసిఎస్) తర్వాత ఈ ఘనతను సాధించిన రెండో సంస్థగా ఆర్‌ఐఎల్ నిలిచింది. కాగా, ఆర్‌ఐఎల్ మార్కెట్ విలువ 5,04,458.09 కోట్ల రూపాయల వద్ద ఉంది. ఇదిలావుంటే నేషనల్ స్టాక్ ఎక్స్‌చేంజ్ (ఎన్‌ఎస్‌ఇ) కొత్త చీఫ్ ఎగ్జిక్యూటివ్, మేనేజింగ్ డైరెక్టర్‌గా విక్రమ్ లిమయే సోమవారం బాధ్యతలు చేపట్టారు. రెగ్యులేటరీ సమస్యల పరిష్కారానికే తన తొలి ప్రాధన్యత అని స్పష్టం చేశారు. ప్రస్తుత కో-లొకేషన్ కేసుపై నెల రోజుల్లో ఫోరెన్సిక్ నివేదిక రావచ్చని ఈ సందర్భంగా ఆయన అభిప్రాయపడ్డారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.