బిజినెస్
స్క్రాంబ్లర్ డెజర్ట్ స్లెడ్‌ను ఆవిష్కరించిన డుకాటీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 20: సూపర్ బైక్‌ల తయారీలో అంతర్జాతీయంగా ఎంతో ఖ్యాతి పొందిన ఇటాలియన్ సంస్థ డుకాటీ శనివారం భారత్‌లో స్క్రాంబ్లర్ డెజర్ట్ స్లెడ్ మోడల్ బైక్‌ను ఆవిష్కరించింది. న్యూఢిల్లీలో ఈ బైక్ ప్రారంభ ధరను రూ.9.32 లక్షలు (ఎక్స్-షోరూమ్)గా నిర్ణయించారు. దీనితో పాటు యూరో-4 ప్రమాణాలకు అనుగుణంగా రూపొందించిన స్క్రాంబ్లర్ ఐకాన్, స్క్రాంబ్లర్ క్లాసిక్ బైక్‌లను కూడా వినియోగదారులకు అందుబాటులోకి తీసుకొస్తున్నామని, ఐకాన్ ధరను రూ.7.23 లక్షలు గానూ, క్లాసిక్ ధరను రూ.8.48 లక్షలు గానూ నిర్ణయించామని డుకాటీ ఇండియా మేనేజింగ్ డైరెక్టర్ సెర్గీ కనోవాస్ గార్రిగా వెల్లడించారు. నగర ప్రాంతాలతో పాటు రోడ్లు సరిగా లేని ప్రాంతాల్లో ప్రయాణాలకు అనువుగా ఈ బైక్‌లను తీర్చిదిద్దినట్లు ఆయన తెలిపారు. యూరో-4 ప్రమాణాలకు అనువుగా 803 సిసి సామర్ధ్యాన్ని కలిగివుంటే ట్విన్ సిలిండర్ ఇంజిన్‌తో రూపొందించిన డెజర్ట్ స్లెడ్ బైకు ఆరు గేర్లను కలిగి ఉండి, రెండు రంగుల్లో లభిస్తుందని, వీటిలో రెడ్ డస్క్ రంగు బైక్ ఎక్స్-షోరూమ్ ధరను రూ.9.32 లక్షలుగానూ, వైట్ మిరేజ్ రంగు బైక్ ఎక్స్-షోరూమ్ ధరను రూ.9.45 లక్షలుగానూ నిర్ణయించామని డుకాటీ ఇండియా సంస్థ ఒక ప్రకటనలో వివరించింది. భారత మార్కెట్లో తాము ఆఫ్-రోడ్ కేటగిరీ బైక్‌లను ప్రవేశపెట్టడం ఇదే తొలిసారి అని, ఈ బైకుల కోసం బుకింగ్‌లను ప్రారంభించామని, దేశ వ్యాప్తంగా అన్ని డీలర్ల వద్ద ఈ బైక్‌లు లభ్యమవుతాయని గార్రిగా తెలిపారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.