బిజినెస్
వెలవెలబోతున్న సగటు ఉద్యోగి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 23: దేశీయ సంస్థల్లో సిఇఒకు సగటు ఉద్యోగికి మధ్య వేతనాల్లో భారీ తేడాలు కనిపిస్తున్నాయి. అగ్రశ్రేణి సంస్థల్లో ఈ వ్యత్యాసం గరిష్ఠంగా 1,200 రెట్లు ఎక్కువగా ఉండటం గమనార్హం. స్టాక్ మార్కెట్లలో చేరిన పెద్ద సంస్థల్లో ఉన్నతోద్యోగుల వేతనాలతో క్రిందిస్థాయి ఉద్యోగుల వేతనాలు ఏమాత్రం సరితూగడం లేదు.
మార్కెట్ రెగ్యులేటర్ సెబీ తెలిపిన వివరాల ప్రకారం గత ఆర్థిక సంవత్సరం (2016-17)లో సిఇఒ, ఎగ్జిక్యూటివ్ చైర్మన్ తదితర సీనియర్, ఉన్నతోద్యోగులకు ఆయా సంస్థలు పెద్ద మొత్తంలో జీతాలు చెల్లించాయి.
ప్రైవేట్‌రంగ సంస్థల్లో ఇది మరింత ఎక్కువగా ఉంది. ఔషధ రంగ దిగ్గజం లుపిన్ సంస్థ చైర్మన్ వేతనం.. ఆ సంస్థలోని ఇతర సగటు ఉద్యోగుల వేతనాలతో పోల్చితే 1,263 రెట్లు అధికంగా ఉంది. అంతకుముందు ఆర్థిక సంవత్సరం (2015-16) ఇది 1,317 రెట్లు ఎక్కువగా ఉండటం విశేషం. ఇక నిర్మాణ రంగ దిగ్గజం లార్సెన్ అండ్ టూబ్రో (ఎల్‌అండ్‌టి) సంస్థలో ఇది 1,004 రెట్లు ఉంది.
కాగా, దేశీయ ఆటో రంగ దిగ్గజం హీరో మోటోకార్ప్‌లో ఉన్నతోద్యోగికి చెల్లించే జీతం.. అక్కడి సగటు ఉద్యోగికి ఇస్తున్న జీతంతో పోల్చితే 731 రెట్లు ఎక్కువ. అలాగే దేశీయ ఐటి రంగ దిగ్గజం టాటా కన్సల్టెన్సీ సర్వీసెస్ (టిసిఎస్)లో ఉన్నతోద్యోగికి చెల్లించే వేతనం.. సగటు ఉద్యోగికి ఇచ్చే జీతం కంటే 515 రెట్లు అధికం. ఐటిసి చైర్మన్ వైసి దేవేశ్వర్‌కు ఇస్తున్నది అక్కడి సగటు ఉద్యోగి కంటే 427 రెట్లు ఎక్కువే.
ఇలా చెప్పుకుంటూపోతే బజాజ్ ఆటో (522 రెట్లు), సిప్లా (416 రెట్లు), భారతీ ఎయిర్‌టెల్ (366 రెట్లు), హెచ్‌డిఎఫ్‌సి బ్యాంక్ (187 రెట్లు), హిందుస్థాన్ యునిలివర్ (138 రెట్లు), మహీంద్ర అండ్ మహీంద్ర (108 రెట్లు), ఐసిఐసిఐ బ్యాంక్ (102 రెట్లు)లలో అక్కడి ఉన్నతస్థాయి ఉద్యోగులు అందుకుంటున్న జీతభత్యాలు.. తమ క్రిందిస్థాయి ఉద్యోగులు తీసుకుంటున్న వేతనాలతో పోల్చితే ఎంతో ఎక్కువగా ఉంటున్నాయి. ఇదిలావుంటే 2015-16తో పోల్చితే 2016-17లో విప్రో, ఇన్ఫోసిస్, డాక్టర్ రెడ్డీస్ ల్యాబ్, హీరో మోటోకార్ప్, లుపిన్, అదానీ పోర్ట్స్ సంస్థల్లో వేతనాల్లో తేడాలు తగ్గాయి. అయితే టిసిఎస్, బజాజ్ ఆటో, హెచ్‌డిఎఫ్‌సి బ్యాంక్, కొటక్ మహీంద్ర బ్యాంక్, ఐసిఐసిఐ బ్యాంక్, యాక్సిస్ బ్యాంక్, హెచ్‌డిఎఫ్‌సి లిమిటెడ్, ఐటిసి, భారతీ ఎయిర్‌టెల్, సిప్లా, మహీంద్ర అండ్ మహీంద్ర, టాటా స్టీల్, హెచ్‌యుఎల్ సంస్థల్లో జీతాల మధ్య తేడాలు పెరిగాయి.
ఇకపోతే దేశంలోనే అతిపెద్ద కార్పొరేట్ సంస్థగా ఉన్న ముకేశ్ అంబానీ నేతృత్వంలోని రిలయన్స్ ఇండస్ట్రీస్ లిమిటెడ్ వివరాలు తెలియరాలేదు. ముకేశ్ వార్షిక వేతనం 15 కోట్ల రూపాయలుగా ఉన్నది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.