బిజినెస్
ఎమ్‌టిఎన్‌ఎల్ నష్టం రూ. 703 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 14: ప్రభుత్వ రంగ టెలికామ్ సంస్థ ఎమ్‌టిఎన్‌ఎల్ ప్రస్తుత ఆర్థిక సంవత్సరం (2017-18) ప్రథమ త్రైమాసికం (ఏప్రిల్-జూన్)లో 703.17 కోట్ల రూపాయల నష్టాలను చవిచూసింది. గత ఆర్థిక సంవత్సరం (2016-17) ఏప్రిల్-జూన్‌లో నష్టం 718.02 కోట్ల రూపాయలుగా ఉంది. ఇదిలావుంటే ఆదాయం ఈసారి ఏప్రిల్-జూన్‌లో 812.66 కోట్ల రూపాయలుగా, పోయినసారి ఏప్రిల్-జూన్‌లో 881.93 కోట్ల రూపాయలుగా ఉంది. ఈ మేరకు సోమవారం బాంబే స్టాక్ ఎక్స్‌చేంజ్‌కు ఎమ్‌టిఎన్‌ఎల్ తెలియజేసింది. సంస్థాగత వ్యయం ఈసారి 1,515.83 కోట్ల రూపాయలుగా ఉంటే, క్రిందటిసారి 1,599.94 కోట్ల రూపాయలుగా ఉంది. ఢిల్లీ, ముంబయల్లో ఎమ్‌టిఎన్‌ఎల్ టెలికామ్ సేవలను అందిస్తోంది. పోయనసారితో చూస్తే ఈ ఏప్రిల్-జూన్‌లో సంస్థ రుణభారం 3.6 శాతం పెరిగి 358.36 కోట్ల రూపాయలకు చేరుకుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.