బిజినెస్
ఇన్ఫోసిస్‌కు షాక్!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 18: దేశీయ ఐటి రంగ ప్రముఖుల్లో ఒకరైన ఇన్ఫోసిస్ సిఇఓ, మేనేజింగ్ డైరెక్టర్ విశాల్ సిక్కా తన పదవుల నుంచి తప్పుకున్నారు. ఇన్ఫోసిస్‌కు తొలి వ్యవస్థాపకేతర సిఇఓగా సేవలు అందించిన ఆయన తన పదవికి అర్ధాంతరంగా రాజీనామా చేశారు. సిక్కాపై సంస్థ వ్యవస్థాపకుడు, మాజీ చైర్మన్ ఎన్‌ఆర్.నారాయణ మూర్తి విమర్శల దాడిని కొనసాగించడమే ఆయన రాజీనామాకు కారణమని ఇన్ఫోసిస్ శుక్రవారం వెల్లడించింది. గతంలో జర్మన్ ఐటి దిగ్గజ సంస్థ శాప్‌లో ఎగ్జిక్యూటివ్‌గా పనిచేసిన సిక్కా (50) హయాంలో ఇన్ఫోసిస్ సంస్థ ఆదాయం 25 శాతం పెరిగింది. అయితే తన రాజీనామాకు నారాయణ మూర్తే కారణమని సిక్కా నేరుగా ప్రకటించలేదు. కానీ తనపై నిరాధారమైన తప్పుడు ఆరోపణలు, వ్యక్తిగత విమర్శలు పెరగడం వల్లనే పదవులకు రాజీనామా చేశానని సిక్కా స్పష్టం చేశారు.
సరైన సమయంలో స్పందిస్తా : నారాయణమూర్తి
కాగా, సిక్కా రాజీనామా వ్యవహారం నేపథ్యంలో ఇన్ఫోసిస్ బోర్డు తనకు వ్యతిరేకంగా ఆరోపణలు, తప్పుడు ప్రకటనలు చేయడం తీవ్రమైన ఆవేదన కలిగించిందని, ఇటువంటి నిరాధారమైన ఆరోపణలపై స్పందించడం తన గౌరవాన్ని దిగజార్చుకోవడమే అవుతుందని నారాయణ మూర్తి పేర్కొన్నారు. తనపై బోర్డు చేసిన ఆరోపణలకు సమయం వచ్చినప్పుడు సరైన వేదికపై తగిన సమాధానమిస్తానని ఆయన స్పష్టం చేశారు. సిక్కా హయాంలో సంస్థ కార్పొరేట్ పాలన (కార్పొరేట్ గవర్నెన్స్) సరిగా లేదని చాలా కాలం నుంచి విమర్శలు గుప్పిస్తున్న నారాయణ మూర్తి సంస్థ ఉన్నతాధికారుల (ఎగ్జిక్యూటివ్‌ల) వేతనాల పెంపు సరికాదని పదే పదే ప్రస్తావిస్తున్న విషయం తెలిసిందే. అంతేకాకుండా సిక్కా హయాంలో ఇన్ఫోసిస్ జరిపిన కొనుగోళ్లపై కూడా ఆయన అనుమానాలను వ్యక్తం చేస్తున్నారు. ఈ నేపథ్యంలో నారాయణ మూర్తి నేతృత్వంలోని ఇన్ఫోసిస్ వ్యవస్థాపకులకు, సంస్థ బోర్డుకు మధ్య దాదాపు ఏడాది కాలం నుంచి కొనసాగుతున్న విభేదాలకు పర్యవసానంగానే సిక్కా తన పదవులకు రాజీనామా చేసినట్లు స్పష్టమవుతోంది. ప్రత్యేకించి సిక్కా ఇన్ఫోసిస్‌కు సిఇఓగా కంటే సిటిఓ (చీఫ్ టెక్నాలజీ ఆఫీసర్)గా బాగా సరిపోతారని పేర్కొంటూ స్వతంత్ర డైరెక్టర్లు ఇటీవల నారాయణ మూర్తికి పంపిన ఇ-మెయిల్ మీడియాకు లీక్ అవడంతో ఇరు వర్గాల మధ్య విభేదాలు తారాస్థాయికి చేరి సిక్కా రాజీనామాకు దారితీసినట్లు తెలుస్తోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.