బిజినెస్
వరల్డ్ ట్రేడ్ సెంటర్‌లా నౌరోజినగర్ సముదాయం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 20: దేశ రాజధాని ఢిల్లీలోని నౌరోజి నగర్‌లో ఏర్పాటు చేయబోయే వాణిజ్య సముదాయం ప్రాజెక్టును ‘వరల్డ్ ట్రేడ్ సెంటర్’గా అభివృద్ధి చేస్తామని ప్రభుత్వ రంగంలోని నేషనల్ బల్డింగ్ కన్‌స్ట్రక్షన్ కార్పొరేషన్ (ఎన్‌బిసిసి) బుధవారం తెలిపింది. ఢిల్లీలోని నౌరోజినగర్, నేతాజీ నగర్, సరోజినీ నగర్ కాలనీలను ఆర్థిక, వాణిజ్య కార్యకలాపాల కేంద్రాలుగా అభివృద్ధి చేసే బాధ్యతను కేంద్ర ప్రభుత్వం ఎన్‌బిసిసికి అప్పగించింది. నౌరోజినగర్ వాణిజ్య కేంద్రాన్ని వరల్డ్ ట్రేడ్ సెంటర్‌గా అభివృద్ధి చేయడానికి ఇటీవలే తమకు న్యూయార్క్‌లోని వరల్డ్ ట్రేడ్ సెంటర్‌నుంచి లైసెన్స్ లభించిందని ఎన్‌బిసిసి చైర్మన్, మేనేజింగ్ డైరెక్టర్ అనూప్ కుమార్ మిట్టల్ విలేఖరులకు తెలిపారు. వాణిజ్య సముదాయంలో 30 లక్షల చదరపు అడుగుల విస్తీర్ణంతో 12 కమర్షియల్ టవర్స్ ఉంటాయని ఆయన చెప్పారు. 2020 నాటికి ఈ ప్రాజెక్ట్ పూర్తవుతుందని భావిస్తున్నట్లు ఆయన చెప్పారు. భారత్‌లో 21 వరల్డ్ ట్రేడ్ సెంటర్లను అభివృద్ధి చేయడానికి వరల్డ్ ట్రేడ్ సెంటర్స్ అసోసియేషన్ లైసెన్సులు ఇచ్చింది. ప్రస్తుతం ముంబయి, బెంగళూరు, పుణె, నోయిడా, కొచ్చిలలో వరల్డ్ ట్రేడ్ సెంటర్లు కార్యకలాపాలను కొనసాగిస్తున్నాయి. నౌరోజి నగర్‌లో త్వరలో రాబోతున్న వాణిజ్య సముదాయంలో నిర్మించబోయే 12 టవర్స్‌లో దాదాపు 3 లక్షల చదరపు అడుగుల ఆఫీస్ స్పేస్‌ను ఎన్‌బిసిసి ఈ ఏడాది జూన్‌లో అయిదు కంపెనీలు పిఎఫ్‌సి, హెచ్‌డిఎఫ్‌సి, హెచ్‌పిసిఎల్, సిడ్బి, ఎనర్జీ ఎఫీషియన్సీ సర్వీసెస్‌లకు రూ.1100 కోట్లకు విక్రయించింది. త్వరలోనే ఈ ప్రాజెక్టులోని మరిన్ని కమర్షియల్ టవర్స్‌ను అమ్మకానికి పెట్టనున్నట్లు మిట్టల్ చెప్పారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.