బిజినెస్
మార్కెట్లకు పి-నోట్స్ భయం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 21: దేశీయ స్టాక్ మార్కెట్లు గడచిన వారం నష్టాల్లో ముగిశాయి. మార్కెట్ రెగ్యులేటర్ సెబీ.. పార్టిసిపేటరీ నోట్ల (పి-నోట్లు) నిబంధనలను కఠినతరం చేయడం మదుపరుల కొనుగోళ్ల శక్తిని దెబ్బ తీసింది. పి-నోట్లలో పెట్టుబడులకున్న నిబంధనలను సెబీ కఠినం చేయడం వల్ల ఇకపై విదేశీ మదుపరుల నుంచి పెట్టుబడులు ధారాళంగా రాకపోవచ్చన్న అంచనాలు దేశీయ మార్కెట్లను చుట్టుముట్టాయి. అంతేగాక వచ్చే నెలలో అమెరికా రిజర్వ్ బ్యాంకైన ఫెడ్ రిజర్వ్ కీలక వడ్డీరేట్లను పెంచుతూ నిర్ణయం తీసుకోవచ్చన్న ఆందోళనలూ మదుపరులను అమ్మకాల ఒత్తిడికి గురిచేశాయి. ఈ క్రమంలోనే బాంబే స్టాక్ ఎక్స్‌చేంజ్ సూచీ సెనె్సక్స్ 187.67 పాయింట్లు పతనమై 25,301.90 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 65.20 పాయింట్లు క్షీణించి 7,749.70 వద్ద నిలిచింది. నిజానికి అంతకుముందు వారం సూచీలు లాభాలను అందుకున్నది తెలిసిందే. సెనె్సక్స్ 261, నిఫ్టీ 81 పాయంట్లు లాభపడ్డాయ. అయతే అంతకుముందు వరుస రెండు వారాలు నష్టాలపాల య్యాయ. సెనె్సక్స్ 610 పాయంట్లు, నిఫ్టీ 166 పాయంట్ల మేర నష్టపోయాయ. అయినప్పటికీ గడచిన వారం మాత్రం ఆ జోష్‌ను నిలుపుకోలేకపోయాయి. ముఖ్యంగా గడచిన వారం ట్రేడింగ్‌లో ప్రభుత్వరంగ బ్యాంకింగ్ దిగ్గజం ఎస్‌బిఐ షేర్ల విలువ 7.32 శాతం పడిపోయింది. తమ ఐదు అనుబంధ బ్యాంకులతోపాటు భారతీయ మహిళా బ్యాంకును విలీనం చేసుకోవాలనుకుంటున్నట్లు ఎస్‌బిఐ.. ప్రభుత్వానికి ప్రతిపాదించడమే దీనికి కారణం. ఈ బ్యాంకుల ఆస్తులు, బకాయిలు మొత్తం కూడా ఎస్‌బిఐ పరిధిలోకే వెళ్లనున్నాయి. దీంతో ఇప్పటికే ప్రభుత్వరంగ బ్యాంకులకున్న మొండి బకాయిల జాబితాలో మొదటి వరుసలో ఉన్న ఎస్‌బిఐ.. ఈ బ్యాంకుల మొండి బకాయిల భారాన్ని కూడా మోయాల్సి వస్తుందన్న భయాలే దీనికి కారణమని మార్కెట్ వర్గాలు చెబుతున్నాయి. అదానీ పోర్ట్స్, లుపిన్, రిలయన్స్ ఇండస్ట్రీస్, సిప్లా, భారతీ ఎయర్‌టెల్, ఎన్‌టిపిసి, ఐసిఐసిఐ బ్యాంక్, బిహెచ్‌ఇఎల్, గెయల్ షేర్ల విలువ కూడా 5.60 శాతం నుంచి 2.65 శాతం వరకు దిగజారింది. ఇకపోతే గడచిన వారం విదేశీ పోర్ట్ఫోలియో మదుపరులు (ఎఫ్‌పిఐ) 372.25 కోట్ల రూపాయల విలువైన షేర్లను అమ్మేశారు. బిఎస్‌ఇ మిడ్-క్యాప్ సూచీ 1.19 శాతం, స్మాల్-క్యాప్ సూచీ 1.34 శాతం పడిపోయాయి. క్యాపిటల్ గూడ్స్, పవర్, బ్యాంకింగ్, కన్జ్యూమర్ డ్యూరబుల్స్, చమురు, గ్యాస్, హెల్త్‌కేర్, ఆటో, మెటల్, టెక్నాలజీ, ఐటి, ఎఫ్‌ఎమ్‌సిజి రంగాల షేర్ల విలువ 2.27 శాతం నుంచి 0.10 శాతం మేర పతనమైంది. నిర్మాణ రంగ షేర్ల విలువ మాత్రం 2.13 శాతం పెరిగింది. టర్నోవర్ విషయానికొస్తే గడచిన వారం బిఎస్‌ఇ 15,237.67 కోట్ల రూపాయలుగా, ఎన్‌ఎస్‌ఇ 79,727.92 కోట్ల రూపాయలుగా ఉన్నాయి. అంతకుముందు వారం బిఎస్‌ఇ టర్నోవర్ 12,550.76 కోట్ల రూపాయలుగా, ఎన్‌ఎస్‌ఇ టర్నోవర్ 85,455.02 కోట్ల రూపాయలుగా ఉంది.
గడచిన వారం సెనె్సక్స్ ముఖచిత్రం
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.