బిజినెస్
టాటా టెలీసర్వీసెస్.. ఇక ఎయిర్‌టెల్ చేతికి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 12: దేశంలో అతిపెద్ద టెలికామ్ సేవల సంస్థ అయిన భారతీ ఎయిర్‌టెల్ ఇక మరింత పెద్దదిగా మారనుంది. మూసివేత దిశగా సాగుతున్న టాటా టెలీ సర్వీసెస్ లిమిటెడ్ (టిటిఎస్‌ఎల్)ను త్వరలో ఎయిర్‌టెల్ కొనుగోలు చేయనుండటమే ఇందుకు కారణం. ఇదే గనుక జరిగితే దేశ టెలికామ్ రంగంలో మరో భారీ విలీనం జరిగినట్లే. ఈ విషయాన్ని అటు ఎయిర్‌టెల్, ఇటు టిటిఎస్‌ఎల్ గురువారం సంయుక్తంగా వెల్లడించాయి. ఈ విలీనంతో టాటా టెలీ సర్వీసెస్ లిమిటెడ్‌తో పాటు టాటా టెలీ సర్వీసెస్ మహారాష్ట్ర లిమిటెడ్ (టిటిఎంఎల్) ఎయిర్‌టెల్ చేతిలోకి వెళ్తాయి. టాటా టెలీ సర్వీసెస్‌కు గత కొంత కాలం నుంచి వరుస నష్టాలు వెంటాడుతుండటంతో ఆ సంస్థను మూసివేయాలని టాటా గ్రూప్ ఇటీవల నిర్ణయించిన విషయం విదితమే. ఈ నిర్ణయం నేపథ్యంలో ఈ విలీన ప్రతిపాదన తెరమీదికి రావడం సర్వత్రా ఆసక్తిని రేపుతోంది. అయితే ఈ విలీనం విలువ ఎంతన్నదీ ఇటు ఎయిర్‌టెల్ గానీ, అటు టాటా టెలీ సర్వీసెస్ గానీ వెల్లడించలేదు. అయితే ఈ విలీనం రుణ రహితంగానూ, నగదు రహితంగానూ ఉంటుందని, టిటిఎస్‌ఎల్‌కు సంబందించిన రుణాలన్నింటినీ టాటా కంపెనీయే సర్దుబాటు చేసుకుంటుందని ఆ సంస్థ వర్గాలు తెలిపాయి. ఈ రెండు సంస్థల మధ్య కుదిరిన ఒప్పందం ప్రకారం దేశంలోని 19 సర్కిళ్లలో టాటా టెలీ సర్వీసెస్‌కు చెందిన మొబైల్ వ్యాపారం ఎయిర్‌టెల్ చేతుల్లోకి వెళ్తుంది. దీంతో సుమారు 4 కోట్ల మంది వినియోగదారులు ఎయిర్‌టెల్ నెట్‌వర్క్‌లోకి వస్తారు. అలాగే టిటిఎస్‌ఎల్‌కు చెందిన 178.5 మెగా హెర్ట్జ్ స్పెక్ట్రమ్, 1800, 2100, 850 మెగా హెర్ట్జ్ బ్యాండ్‌లు ఎయిర్‌టెల్ సొంతమవుతాయి. ఇదే గనుక జరిగితే ఎయిర్‌టెల్ మరింత బలోపేతమవడంతో పాటు నాలుగో తరం (4జి) టెలికామ్ సేవలను విస్తరించుకోవడంలో ఆ సంస్థకు ఎంతో ఊతాన్ని ఇవ్వడం ఖాయం.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.