బిజినెస్
అంతర్జాతీయ ఫిన్‌టెక్ రోడ్‌షోల్లో ఏపి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, అక్టోబర్ 17: జపాన్, సింగపూర్, లండన్‌లో జరిగే ఫిన్‌టెక్ రోడ్డు షోల్లో ఆంధ్రప్రదేశ్ పాల్గొననున్నట్లు రాష్ట్ర ఐటి శాఖ మంత్రి నారా లోకేష్ వెల్లడించారు. వెలగపూడి సచివాలయంలో ఐటి శాఖ అధికారులతో మంత్రి లోకేష్ మంగళవారం సమీక్ష నిర్వహించారు. ఈ సందర్భంగా ఆయన మాట్లాడుతూ పెట్టుబడుల ఆకర్షణే ధ్యేయంగా ఈ షోల్లో పాల్గొంటున్నట్లు తెలిపారు. విశాఖపట్నంలో ఏర్పాటు చేసిన ఫిన్‌టెక్ వ్యాలీ అభివృద్ధి, ఫైనాన్స్ సర్వీస్‌లోని కంపెనీలను రాష్ట్రానికి తీసుకొచ్చేందుకు అనుసరించాల్సిన విధానాలపై దృష్టి సారించాలన్నారు. 20 మందితో కలిసి ఫిన్‌టెక్‌ని ఉపయోగించగలిగే 100కు పైగా రంగాలను గుర్తించి కేస్ స్టడీస్ సిద్ధం చేశామని మంత్రి దృష్టికి అధికారులు తీసుకువెళ్లారు. 5 స్టార్టప్ కంపెనీలతో భాగస్వామ్యం కుదుర్చుకుని, సైబర్ దాడులను తట్టుకునే విధంగా ప్రభుత్వ శాఖల్లో బ్లాక్‌చైన్ టెక్నాలజీ అమలు చేస్తున్నామని మంత్రికి వివరించారు. విశాఖ బ్రాండ్ ప్రపంచానికి తెలిసే విధంగా ఫిన్‌టెక్, బ్లాక్ చైన్ టెక్నాలజీ ఈవెంట్స్ ప్రతి నెలా నిర్వహించాలని మంత్రి తెలిపారు. ఫిన్‌టెక్ వ్యాలీలో పెట్టుబడులు పెట్టడానికి సుముఖత వ్యక్తం చేసిన మరో 17 కంపెనీలతో చర్చలు జరిపి వీలైనంత త్వరగా కంపెనీలు రాష్ట్రానికి వచ్చే విధంగా కార్యాచరణ రూపొందించాలని ఆదేశించారు. బ్లాక్ చైన్ బిజినెస్ కాన్ఫరెన్స్‌లో ఆంధ్రప్రదేశ్‌లో పెట్టుబడులు పెట్టడానికి అంగీకరించిన కంపెనీలతో చర్చలు జరిపి వెంటనే వారు రాష్ట్రానికి వచ్చే విధంగా చర్యలు తీసుకోవాలన్నారు. అవసరం అయితే కంపెనీలను ఆహ్వానించడానికి తానే స్వయంగా రాష్ట్రంలో ఉన్న సానుకూల పరిస్థితుల గురించి వివరిస్తానన్నారు. వీసా ప్రారంభించిన లెస్ క్యాష్ వైజాగ్‌కు మంచి స్పందన వచ్చిందని, మాస్టర్ కార్డ్ కంపెనీ కూడా వెంటనే కార్యకలాపాలు ప్రారంభించే విధంగా ప్రణాళిక సిద్ధం చేయాలని ఆదేశించారు. ఫిన్‌టెక్, బ్లాక్ చైన్ టెక్నాలజీలో స్థానిక యువత ప్రతిభ వెలుగుచూసేలా ప్రతి నెలా హ్యాకథాన్స్ నిర్వహించాలన్నారు. ఫిన్‌టెక్, బ్లాక్ చైన్ టెక్నాలజీ వాడకంలో మన కంటే ముందు ఉన్న జపాన్, సింగపూర్, లండన్ ప్రభుత్వాలను కలిసి ఆ కంపెనీలు రాష్ట్రానికి వచ్చే విధంగా మాస్టర్ ప్లాన్ సిద్ధం చేయాలన్నారు. స్టార్టప్ కంపెనీలను ప్రోత్సహించేందుకు 100 కోట్ల నిధులు ఉన్నాయన్నారు. ప్రభుత్వంతో కలిసి పెట్టుబడులు పెట్టేందుకు ఎస్‌బిఐ, ఐసిఐసిఐ బ్యాంకులు సుముఖత వ్యక్తం చేశాయన్నారు.
చిత్రం..ఐటి అధికారులతో సమీక్షిస్తున్న ఏపి మంత్రి నారా లోకేష్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.