బిజినెస్
వౌలిక సదుపాయాలు కల్పిస్తే... రూ.100 కోట్లతో టైల్స్ పరిశ్రమ
S ,7 à 8 RSCA (si SASPAS) et 6 cialis pharmacie cialis rapports de stage.
దేవరపల్లి, నవంబర్ 23: రాష్ట్ర ప్రభుత్వం వౌలిక సదుపాయాలు కల్పిస్తే వంద కోట్ల రూపాయల వ్యయంతో టైల్స్ పరిశ్రమ ఏర్పాటుకు సిద్ధంగా ఉన్నామని గుజరాత్‌కు చెందిన స్వస్తిక్ సిలికాన్ లిమిటెడ్ సీఈవో యు రామ్మోహనరావు వెల్లడించారు. పశ్చిమ గోదావరి జిల్లా దేవరపల్లిలో గురువారం టైల్స్ షోరూమ్ ప్రారంభోత్సవ కార్యక్రమంలో పాల్గొన్న ఆయన మాట్లాడుతూ దేశంలోని ఐదు ప్రముఖ టైల్స్ ఫ్యాక్టరీల్లో తమది ఒకటన్నారు. దేశంలో ఒక్క గుజరాత్ రాష్ట్రంలోనే 700 టైల్స్ ఫ్యాక్టరీలు కేంద్రీకృతమై ఉన్నాయన్నారు. ఆంధ్రప్రదేశ్‌లోని ముడి సరుకును గుజరాత్‌కు దిగుమతి చేసుకుని, టైల్స్ తయారుచేస్తున్నామని, వాటిని తిరిగి ఆంధ్రప్రదేశ్‌లోనే విక్రయిస్తున్నట్టు తెలిపారు. ఈ నేపథ్యంలో రాష్ట్రంలోనే పరిశ్రమ ఏర్పాటుకు తాము సిద్ధంగా ఉన్నామన్నారు. టైల్స్ పరిశ్రమకు ప్రధానంగా గ్యాస్ సమస్య ఆటంకంగా ఉంటుందన్నారు. తమకు అవసరమైనంత మేర గ్యాస్ అందించడానికి ప్రభుత్వం సంసిద్ధత వ్యక్తంచేస్తే కోస్తాంధ్రాలో 15 ఎకరాల్లో వంద కోట్ల వ్యయంతో పరిశ్రమ ఏర్పాటుకు తాము సిద్ధంగా ఉన్నామన్నారు. ఫ్యాక్టరీ ఎండీ గిరీష్‌బావ్ పటేల్ తెలంగాణ సీఎం కెసిఆర్‌తో కూడా సంప్రదింపులు జరిపారని, ఏ రాష్ట్రం సౌకర్యాల కల్పనకు ముందుకువస్తే ఆ రాష్ట్రంలో ఫ్యాక్టరీ ఏర్పాటుచేస్తామన్నారు. దేవరపల్లిలో ప్రారంభించిన కల్లూరి ఎంటర్ ప్రైజెస్‌తో కలిపి తమ సంస్థ ఏపీలో ఇప్పటివరకు అయిదు షోరూంలు నెలకొల్పిందన్నారు. కల్లూరి ఎంటర్ ప్రైజెస్ అధినేతలు కల్లూరి అప్పారావు, కల్లూరి హనుమంతురావు, కల్లూరి సుబ్రహ్మణ్యం తదితరులు పాల్గొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.