బిజినెస్
ఏపీలో ‘కొరియా పారిశ్రామిక కాంప్లెక్స్’
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 5: ఆంధ్రప్రదేశ్‌లో ‘కొరియా ఇండస్ట్రియల్ కాంప్లెక్స్’ త్వరలో ఏర్పాటు కానుంది. ఈ మేరకు బూసన్‌లో జరిగిన బిజినెస్ సెమినార్‌లో ఆంధ్రప్రదేశ్ ప్రభుత్వం ‘మేకిన్ ఇండియా కొరియా సెంటర్ (ఎంఐసీ) మధ్య అవగాహన ఒప్పందం జరిగింది. ఎంవోయూలో భాగంగా బూసన్‌లో ఆంధ్రప్రదేశ్ సెంటర్‌ను కూడా నెలకొల్పుతారు. ఈ ఏడాది ఫిబ్రవరి 17న భారత రాయబార కార్యాలయం, రిపబ్లిక్ ఆఫ్ కొరియా కాన్సులేట్ జనరల్ ఆధ్వర్యంలో ‘మేకిన్ ఇండియా కొరియా సెంటర్’ ఏర్పాటైంది. ముఖ్యమంత్రి చంద్రబాబు నాయుడు దక్షిణ కొరియా పర్యటన రెండో రోజున మంగళవారం ‘బిజినెస్ సెమినార్’లో పాల్గొన్నారు. మధ్యాహ్న భోజన సమావేశంలో పెట్టుబడిదారులతో ముఖాముఖీ సమావేశమయ్యారు. దక్షిణ కొరియాలోని మత్స్య విశ్వవిద్యాలయం, ఆంధ్రప్రదేశ్ ప్రభుత్వం పరస్పరం సహకరించుకునేందుకు ఉన్న అవకాశాలపై బూసన్ వైస్ మేయర్ కిమ్ యంగ్‌వాన్‌తో ముఖ్యమంత్రి చర్చించారు. మత్స్య రంగంలో ఏపీతో కలిసి పనిచేసేలా పుక్యంగ్ నేషనల్ యూనివర్శిటీ ప్రెసిడెంట్‌తో సంప్రదింపులు జరుపుతామని ముఖ్యమంత్రికి కిమ్ యంగ్ వాన్ హామీ ఇచ్చారు.
ముఖ్యమంత్రి బృందం దక్షిణ కొరియాలో ప్రఖ్యాతి గాంచిన బూసన్ న్యూపోర్టును సందర్శించింది. 2006లో ప్రారంభమైన బూసన్ పోర్టు విశిష్టతలు, సామర్థ్యం వివరాలను పోర్టు వర్గాలు ముఖ్యమంత్రి బృందానికి ప్రెజెంటేషన్ ద్వారా వివరించాయి. ప్రస్తుతం 30 బెర్తులుగా ఉన్న పోర్టు సామర్థ్యాన్ని త్వరలో 45 బెర్తులకు పెంచుతున్నామని, ప్రస్తుతం వంద దేశాల్లోని 500 పోర్టులకు తమ కార్యకలాపాలు సాగిస్తున్నామని తెలిపాయి. బూసన్ పోర్ట్ అథారిటీ వైస్ ప్రెసిడెంట్ కాంగ్ బూ వో ముఖ్యమంత్రి బృందాన్ని స్వయంగా తీసుకెళ్లి పోర్టు కార్యకలపాలను వెల్లడించారు. ఆంధ్రప్రదేశ్‌లోని ఓడరేవులతో కలిసి పనిచేయాలని ముఖ్యమంత్రి ఈ సందర్భంగా కాంగ్ బూవోను కోరారు.
ముఖ్యమంత్రి బృందంలో ఆర్థిక మంత్రి యనమల రామకృష్ణుడు, వాణిజ్యం, పరిశ్రమలు, ఆహారశుద్ధి శాఖల మంత్రి అమరనాథరెడ్డి, ఆంధ్రప్రదేశ్ ప్రభుత్వ సలహాదారు డాక్టర్ పరకాల ప్రభాకర్, సీఎంవో ముఖ్య కార్యదర్శి జి.సాయిప్రసాద్, పరిశ్రమల శాఖ కార్యదర్శి సాల్మన్ అరోకియా రాజ్, ఈడీబీ సీఈఓ జాస్తి కృష్ణకిశోర్, ఎపీఐఐసీ ఎండీ అహ్మద్ బాబు ఉన్నారు.
చిత్రం..మేక్ ఇన్ ఇండియా కొరియా సెంటర్, ఏపీఐఐసీ మధ్య ఎంఓయూ కుదుర్చుకుంటున్న దృశ్యం
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.