బిజినెస్
అమెరికా ప్రత్యక్ష పెట్టుబడుల్లో చైనాను మించిన భారత్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 24: విదేశీ పెట్టుబడులను ఆకర్షించడంలో అభివృద్ధి చెందుతున్న దేశాలలో భారత్ ప్రాధాన్యత క్రమంగా తగ్గుతూ వస్తున్నప్పటికీ అమెరికా మదుపరులు నేరుగా ఈక్విటీల్లో పెట్టుబడులు పెట్టే విషయంలో భారత్ చైనాను అధిగమించేసింది. అమెరికా ఆర్థిక శాఖ విడుదల చేసిన గణాంకాలను బట్టి అమెరికా విదేశీ ఈక్విటీ పెట్టుబడుల్లో భారత్ వాటా 1.8 శాతానికి పెరగ్గా, చైనా వాటా 1.6 శాతమే ఉంది. భారతీయ ఈక్విటీల్లో అమెరికా మదుపరుల ప్రత్యక్ష పెట్టుబడులు 2013 సెప్టెంబర్‌లో 700 కోట్ల డాలర్లు కాగా, అవి 2015 డిసెంబర్ నాటికి 1200 కోట్ల డాలర్లకు పెరిగిపోయాయి. ఇదే సమయంలో చైనా ఈక్విటీల్లో అమెరికా మదుపరుల ప్రత్యక్ష పెట్టుబడులు 2013 సెప్టెంబర్‌లో ఉండిన 1280 కోట్ల డాలర్లనుంచి 2015 డిసెంబర్ నాటికి 1110 కోట్ల డాలర్లకు తగ్గిపోయాయి. అయితే బలమైన ఆర్థిక శక్తులుగా ఎదుగుతున్న దేశాలలో భారత్ ప్రాధాన్యత మాత్రం 2015లో క్రమంగా తగ్గుముఖం పట్టింది. మరో వైపు ఎమర్జింగ్ మార్కెట్లలో అమెరికా మదుపరుల ఈక్విటీ పెట్టుబడులు సైతం 2009 డిసెంబర్‌లో గరిష్ఠంగా 18 శాతం ఉండగా, 2015 డిసెంబర్ నాటికి 12 శాతానికి తగ్గిపోయినట్లు కోటక్ ఇన్‌స్టిట్యూషనల్ ఈక్విటీస్ రూపొందించిన గణాంకాలను బట్టి తెలుస్తోంది. మరో వైపు అభివృద్ధి చెందుతున్న దేశాల్లో చురుగ్గా పెట్టుబడులు పెట్టే ఫండ్స్ భారత్‌లో జరిపిన కేటాయింపులు 2015 జనవరిలో గరిష్ఠంగా 5. 2 శాతం ఉండగా, 2016 జనవరి నాటికి 3.7 శాతానికి తగ్గిపోయాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.