బిజినెస్
బలపడిన దేశీయ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 15: ద్రవ్యోల్బణం తగ్గ డం వల్ల ఉత్సాహంతో ఉన్న మదుపరులు ఇటీవల ధరలు తగ్గిన విలువయిన షేర్లను కొనుగోలు చేయడంతో గురువారం దేశీయ స్టాక్ మార్కెట్లు బలపడ్డాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 141 పాయింట్లు పుంజుకుంది. రూ. 11,400 కోట్ల భారీ కుంభకోణంలో చిక్కుకున్న పంజాబ్ నేషనల్ బ్యాంక్ (పీఎన్‌బీ) షేర్ల ధర 12 శాతం పతనమయింది. సెనె్సక్స్ 141.52 పాయింట్లు (0.41 శాతం) పుంజుకొని 34,297.47 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 44.60 పాయింట్లు (0.42 శాతం) పెరిగి, 10,545.50 పాయింట్ల వద్ద స్థిరపడింది. ఇంట్రా-డేలో నిఫ్టీ 10,618.10 పాయింట్ల గరిష్ఠ స్థాయిని తాకింది. టోకు ధరల సూచీ (డబ్ల్యూపీఐ) ద్రవ్యోల్బణం జనవరి నెలలో ఆరు నెలల కనిష్ట స్థాయి 2.84 శాతానికి తగ్గడంతో పాటు కొన్ని బ్లూచిప్ కంపనీలు మూడో త్రైమాసికంలో ఆకర్షణీయమయిన లాభాలను ఆర్జించడంతో మదుపరులలో ఉత్సాహం నెలకొంది. ఇదిలా ఉండగా, బుధవారం ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) నికరంగా రూ. 728.71 కోట్ల విలువయిన షేర్లను, దేశీయ సంస్థాగత మదుపరులు (డీఐఐలు) రూ. 152.39 కోట్ల విలువయిన షేర్లను విక్రయించారు. అమెరికాలో ద్రవ్యోల్బణం 2.1 శాతానికి పెరగడంతో పాటు కన్స్యూమర్ సేల్స్ డాటా బలహీనంగా ఉన్నప్పటికీ, గురువారం గ్లోబల్ మార్కెట్లలో సానుకూల ధోరణి నెలకొంది. గురువారం నాటి లావాదేవీల్లో సెనె్సక్స్ ప్యాక్‌లోని సంస్థల్లో ఐసీఐసీఐ బ్యాంక్ అత్యధికంగా లబ్ధి పొందింది. ఈ బ్యాంకు షేర్ ధర 3.15 శాతం పెరిగింది. ఇన్ఫోసిస్ 1.47 శాతం లాభపడింది. లాభపడిన ఇతర కంపనీలలో పవర్ గ్రిడ్, ఓఎన్‌జీసీ, బజాజ్ ఆటో, హెచ్‌డీఎఫ్‌సీ లిమిటెడ్, ఎస్‌బీఐ, హెచ్‌యూఎల్, ఎంఅండ్‌ఎం, ఐటీసీ, డాక్టర్ రెడ్డీస్, సన్ ఫార్మా, టీసీఎస్, రిల్, మారుతి సుజుకి, ఎన్‌టీపీసీ ఉన్నాయి. వీటి షేర్ల విలువ 1.46 శాతం వరకు పెరిగింది. కాగా, నష్టపోయిన వాటిల్లో హీరో మోటోకార్ప్, టాటా స్టీల్, భారతి ఎయిర్‌టెల్, ఎల్‌అండ్‌టీ, విప్రో, కోటక్ మహింద్రా బ్యాంక్, ఆసియన్ పెయింట్స్ ఉన్నాయి.
ఇదిలా ఉండగా, మూడో త్రైమాసికంలో నికర లాభం 60 శాతం పెరిగిన నెస్ట్లే ఇండియా షేర్ ధర గురువారం 4.28 శాతం పెరిగింది. రంగాల వారీ సూచీలలో బీఎస్‌ఈ చమురు, సహజవాయువు సూచీ అత్యధికంగా 0.96 శాతం పెరిగింది. తరువాత స్థానాల్లో వరుసగా మెటల్, ఐటీ, బ్యాంకింగ్, ఎఫ్‌ఎంసీజీ, టెక్నాలజి రంగాలు నిలిచాయి. టెలికం, కన్స్యూమర్ డ్యూరేబుల్స్, రియాల్టీ, క్యాపిటల్ గూడ్స్, ఇన్‌ఫ్రాస్ట్రక్చర్, పవర్, హెల్త్‌కేర్, ఆటో సూచీలు పడిపోయాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.