బిజినెస్
లాభాల్లో ముగిసిన మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: దేశీయ మార్కెట్లు సోమవారం లాభాల్లో ముగిసాయి. వరుసగా మూడవ సెషన్‌లో కూడా సెనె్సక్స్ 162 పాయింట్లు లాభంతో, 33,788 వద్ద ముగియగా, నిఫ్టీ 47.75 పాయింట్ల లాభంతో 10,379.35 వద్ద ముగిసింది. మదుపర్లు ఉత్సాహంగా బ్యాంకింగ్, ఎఫ్‌ఎంసీజీ షేర్ల కొనుగోళ్లు చేపట్టడంతో మార్కెట్లు మొదటినుంచి లాభాలబాటలోనే నడిచాయి.
గత వారం రిజర్వ్‌బ్యాంకు వృద్ధి రేటును 7.4 శాతంగా అంచనా వేయడం, 2018-19 తొలి అర్థ్భాగంలోద్రవ్యోల్బణం 4.7-5.1 మధ్య నమోదుకావడం కూడా మార్కెట్ల ఊతానికి దోహదం చేసింది. ఇక ఆసియన్ మార్కెట్లనుంచి సానుకూల పరిణామాలు, యూరోపియన్ షేర్లు సుస్థిరంగా కొనసాగడం, అమెరికా వడ్డీరేట్లు పెంచడం కూడా మార్కెట్‌పై సానుకూల ప్రభావాన్ని చూపాయి. ‘ద్రవ్యోల్బణం అదుపులో ఉండటం, ముడి చమురు ధరలు తగ్గుతాయన్న అంచనా, యుఎస్‌లో ఉత్పత్తి ఊపందుకోవడం, భారత్‌లో ఈ వ్యవసాయ సీజన్‌లో ఋతుపవనాలు సానుకూలంగా ఉంటాయన్న అంచనాలు మార్కెట్‌కు ఊతమిచ్చే అంశాలని’ జియోజిట్ ఫైనాన్షియల్ సర్వీసెస్ లిమిటెట్, పరిశోధక విభాగం అధినేత వినోద్ నాయర్ అన్నారు. సోమవారం సెనె్సక్స్ స్థిరంగా ప్రారంభమై ఒక దశలో 33,846.50ను తాకి చివరకు 33,788.54 వద్ద, 161.57 పాయింట్ల నికర లాభంతో ముగిసింది. నిఫ్టీకూడా సోమవారం ఉదయం లాభాలతో ప్రారంభమై ఒక దశలో 10,397.70ను తాకి చివరకు 10,379.35 వద్ద ముగిసింది. కాగా గత శుక్రవారం దేశీయ సంస్థాగత మదుపర్లు రూ.1,305.45 కోట్ల విలువైన షేర్ల కొనుగోలు చేయగా, విదేశీ పోర్టుపోలియో ఇనె్వస్టర్లు రూ.524.85 కోట్ల మేర షేర్ల అమ్మకాలు జరిపినట్టు స్టాక్ ఎక్చేంజ్‌ల ప్రాథమిక సమాచారాన్ని బట్టి తెలుస్తోంది. ఇక సెనె్సక్స్ ప్యాక్‌లో యాక్సిస్ బ్యాంకు లాభాల్లో అగ్రస్థానంలో నిలవగా, ఎం అండ్ ఎం తర్వాతి స్థానం ఆక్రమించింది. ఐటీసీ లిమిటెడ్, ఇండస్‌ల్యాండ్ బ్యాంక్, హింద్ యునిలివర్, ఆసియన్ పెయింట్స్, మారుతి సుజికి, ఓఎన్‌జీసి, హెచ్‌డీఎఫ్‌సీ బ్యాంకు, ఎస్ బ్యాంకు, ఎస్‌బీఐ, విప్రో, హీరో మోటార్ కార్పొరేషన్, టాటాస్టీల్ కంపెనీ షేర్లు లాభాల బాటలో పయనించాయి. ఇక ఇన్ఫోసిస్ షేర్లు బాగా నష్టపోగా, టాటా మోటార్స్ తర్వాతి స్థానాన్ని ఆక్రమించింది. భారతీ ఎయిర్‌టెల్, టీసీఎస్, బజాజ్ ఆటో, పవర్‌గ్రి, ఆదాని పోర్ట్స్, సన్ ఫార్మాల షేర్లు నష్టాలతో ముగిశాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.