బిజినెస్
భారత ఎగుమతుల్లో ఆశాజనక వృద్ధి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 13: నాలుగు నెలల వ్యవధి తర్వాత మార్చి నెలలో భారత్ ఎగుమతులు పడిపోయినప్పటికీ, 2017-18 ఆర్థిక సంవత్సరం మొత్తం మీద 9.78 శాతం పెరుగుదల నమోదు చేసి, 302.84 బిలియన్ డాలర్లకు చేరుకున్నాయి. అయితే మార్చి నెలలో ఎగుమతులు 0.66 శాతం పడిపోవడానికి ప్రధాన కారణం కొన్ని రంగాలకు చెందిన ముఖ్యంగా పెట్రోలియం, రత్నాలు, ఆభరణాల ఉత్పత్తులు తగ్గిపోవడమే. అంతకుముందు 2017, అక్టోబర్‌లో దిగుమతులు 1.12 శాతం పడిపోయాయి. ఇదేనెలలో దిగుమతులు 7.15 శాతం పెరిగి 42.8 బిలియన్ అమెరికన్ డాలర్ల స్థాయికి చేరుకోవడంతో, వాణిజ్య లోటు 13.68 బిలియన్ డాలర్లుగా నమోదైనట్టు, శుక్రవారం వాణిజ్య మంత్రిత్వశాఖ విడుదల చేసిన సమాచారం వెల్లడిస్తోంది.
2017-18 ఆర్థిక సంవత్సరంలో దిగుమతులు 19.59 శాతం పెరిగి 459.67 బిలియన్ డాలర్లకు చేరుకోవడంతో వాణిజ్యలోటు మరింతగా పెరిగి 156.83 బిలియన్ యుఎస్ డాలర్లకు చేరుకుంది. ఇదిలావుండగా రెండు ఆర్థిక సంవత్సరాల తర్వాత 2017-18లో వాణిజ్య ఎగుమతులు 300 బిలియన్ డాలర్లకు చేరుకోవడం విశేషం. 2014-15లో ఈ మొత్తం 310.30 యుఎస్‌డిలుగా నమోదైంది. ఇక వాణిజ్యలోటు విషయానికి వస్తే ఈ ఆర్థిక సంవత్సరం ఇది 156.83 బిలియన్ డాలర్లు నమోదైంది. 2012-13 ఆర్థిక సంవత్సరంలో నమోదైన 190.30 బిలియన్ డాలర్ల తర్వాత ఇంత పెద్ద మొత్తంలో వాణిజ్యలోటు ఏర్పడటం ఇదే ప్రథమం.
శ్రామిక శక్తి అధికంగా అవసరమైన ఆభరణాలు, టెక్స్‌టైల్స్, జ్యూట్, వ్యవసాయ ఉత్పత్తుల రంగంలో ఎగుమతుల విషయంపై ఫెడరేషన్ ఆఫ్ ఇండియన్ ఎక్స్‌పోర్ట్ ఆర్గనైజేషన్స్ (ఎఫ్‌ఐఈఓ) ఆందోళన వ్యక్తం చేసింది. బ్యాంకులు ఇతర ఆర్థిక సంస్థలు తమ నిబంధనలను మరింత కట్టుదిట్టం చేయడంతో, ఈ రంగాలు లిక్విడిటీ సమస్యను ఎదుర్కొంటున్నాయని సంస్థ విడుదల చేసిన ప్రకటన తెలియజేసింది.
‘‘ప్రపంచ ఆర్థిక సంస్థ, 2018లో అంతర్జాతీయ వర్తకం 4.4 శాతం ఉండబోతున్నదని, 2019లో 4శాతం వరకు ఉంటుందని అంచనా వేసిన నేపథ్యంలో, ఎగుమతుల విషయంలో వాణిజ్య పరమైన ఉద్రిక్తతలు కొనసాగే అవకాశమున్నదని’’ ఎఫ్‌ఐఈఓ ప్రకటన పేర్కొంది.
ఇక ఈ నెలలో చమురు దిగుమతులు 11.11 బిలియన్ యుఎస్ డాలర్లుగా ఉండవచ్చు. ఇది గత ఏడాది ఇదే నెలలో జరిగిన ఎగుమతులకంటే 13.92 శాతం అదనం. ఇక చమురేతర దిగుమతులు 4.96 శాతం అధికంగా, 31.69 బిలియన్ యుఎస్ డాలర్లు నమోదు చేశాయి. 2017-18లో చమురు దిగుమతులు 25.47 శాతం అంటే 109.11 మిలియన్ యుఎస్ డాలర్లు నమోదయ్యాయి. ఇక బంగారం దిగుమతులు 40 శాతం పడిపోయి 2.49 మిలియన్ యుఎస్ డాలర్లుగా నమోదయ్యాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.