బిజినెస్
వాల్‌మార్ట్ చేతికి ఫ్లిప్‌కార్ట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 9: అమెరికాకు చెందిన దిగ్గజ సంస్థ వాల్‌మార్ట్, భారత్‌లోని అతిపెద్ద ఈ-కామర్స్ ప్లేయర్ ఫ్లిప్‌కార్ట్‌ను కొనుగోలు చేసింది. ఈ మేరకు జపాన్ కాలమానం ప్రకారం మంగళవారం రాత్రి డీల్ కుదిరిందని సాఫ్ట్ బ్యాంకు సీఈఓ మసయోషి సన్, బుధవారం బ్యాంకు త్రైమాసిక ఫలితాలను ప్రకటించే సందర్భంగా ఈ విషయాన్ని వెల్లడించారు. కాగా ఈ డీల్‌పై ఫ్లిప్‌కార్ట్-వాల్‌మార్ట్‌ల నుంచి అధికారిక ప్రకటన వెలువడనున్నది. జపాన్‌కు చెందిన సాఫ్ట్ బ్యాంకు గ్రూపు కార్పొరేషన్, ఫ్లిప్‌కార్ట్‌లో 23 శాతం వాటాలు కలిగివుంది. కాగా ఈ డీల్, ప్రపంచ ఈ-కామర్స్ రంగంలో అతిపెద్దదిగా విశే్లషకులు పేర్కొంటున్నారు. దీనివల్ల ఇప్పటివరకు ఈ-కామర్స్ రంగంలో తిరుగులేని ఆధిపత్యాన్ని నెరపుతున్న అమెజాన్‌కు, వాల్‌మార్ట్ నుంచి పెద్ద సవాలు ఎదురుకానున్నదని వారు అంచనా వేస్తున్నారు. ముఖ్యంగా భారత్‌లోని తన యూనిట్లకు, అమెజాన్ రూ.2600 కోట్ల మేర అదనంగా నిధులను కేటాయించడం గమనార్హం. దీంతో భారత్‌లో అమెజాన్ మొత్తం పెట్టుబడి రూ.10,750 కోట్లకు చేరుకుంది. ఈ నేపథ్యంలో భారత్‌లో ఇకముందు ఈ-కామర్స్ యుద్ధం మరింత వేడెక్కనున్నట్టు ఈ పరిణామాలు స్పష్టం చేస్తున్నాయి.
మార్కెట్ రీసెర్చ్ కంపెనీ ఫోరెస్టర్ ప్రకారం గత ఏడాది భారత్‌లో ఈ-కామర్స్ 21 బిలియన్ యుఎస్ డాలర్లకు చేరుకుంది. ఇంటర్నెట్ ఉపయోగించే ప్రజల సంఖ్య మరింత పెరుగుతుండటంతో, ఈ వాణిజ్యం మరింత ఊపందుకోనున్నది. మొబైల్ ఫోన్లు, టెలివిజన్ సెట్లు, జ్యూసిర్స్, షూలు, సోఫాలు, సౌందర్య సాధనాల అమ్మకాలను ఫ్లిప్‌కార్ట్ చేపడుతోంది. అమెజాన్ కూడా ఇదే స్థాయిలో వస్తువుల అమ్మకాలు నిర్వహిస్తోంది.
ఇదిలావుండగా వాల్‌మార్ట్ సీఈఒ డగ్ మెక్‌మిల్లన్ ఈ డీల్‌పై ప్రకటన జారీ చేసేందుకు బెంగళూరుకు చేరుకున్నారు. యుఎస్ రిటైల్ దిగ్గజమైన వాల్‌మార్ట్ తన వద్ద వున్న మేనేజ్‌మెంట్ నిపుణులను ఇక్కడకు తరలించినా, భారత్ మార్కెట్‌పై స్పష్టమైన అవగాహన ఉన్న ఫ్లిప్‌కార్ట్‌కు చెందిన కీలక ఉద్యోగులను కొనసాగించే అవకాశాలున్నాయి. ప్రస్తుతం వాల్‌మార్ట్ భారత్‌లో 21 స్టోర్‌లను కలిగివుంది. 9 రాష్ట్రాల్లో ఉన్న వీటిల్లో క్యాష్ అండ్ క్యారీఆన్ రీతిలో వ్యాపారం నిర్వహిస్తోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.