బిజినెస్
మార్కెట్లను వెంటాడుతున్న ‘కర్నాటక’
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 21: కర్ణాటకలో కొనసాగుతున్న రాజకీయ అనిశ్చితి ప్రభావం వరుసగా ఐదోరోజూ మార్కెట్లపై పడింది. ఫలితంగా దేశీయ మార్కెట్లు తీవ్రమైన అమ్మకాల ఒత్తిడిని ఎదుర్కొని చివరకు నష్టాల్లో ముగిసాయి. సోమవారం సెనె్సక్స్ 232 పాయింట్లు నష్టపోయి, 34,616.13 వద్ద ముగియగా, నిఫ్టీ 80 పాయింట్లు నష్టపోయి 10,516.70 వద్ద ముగిసింది. శనివారం కర్నాటక శాసనసభలో బలపరీక్షకు ముందే యెడ్యూరప్ప రాజీనామా చేయడం, జేడీఎస్-కాంగ్రెస్ అలయెన్స్ ప్రకటించడం కొంతమేర మార్కెట్లపై ప్రభావం చూపింది. ఇదే సమయంలో పెరిగిన చమురు ధరలు, విదేశీ నిధులు తరలిపోవడం కూడా మార్కెట్లపై ప్రతికూల ప్రభావం చూపినట్లు బ్రోకర్లు తెలిపారు. వీటికితోడు మూడీస్ ఇనె్వస్టర్స్ సర్వీస్ లిమిటెడ్, పంజాబ్ నేషనల్ బ్యాంకు రేటింగ్‌ను తగ్గించడం మదుపర్ల సెంటిమెంట్‌పై ప్రభావం చూపింది. ఇటీవల బ్యాంకులో చోటుచేసుకున్న అతిపెద్ద స్కాం, అంతర్గత నియంత్రణ బలహీనతను బట్టబయలు చేసింది. ప్రారంభంలో సెనె్సక్స్ బలంగా, పురోగామి దిశలో పయనించి ఒక దశలో 34,973.95ను చేరుకుంది. కానీ తర్వాత ఒక్కసారిగా అమ్మకాలు ఊపందుకోవడంతో34,593.82కు పడిపోయింది. చివరకు 232.17 పాయింట్లు నష్టపోయి గత నెలరోజుల కనిష్టం 34,616.13 వద్ద ముగిసింది. గత ఏప్రిల్ 25 నుంచి నమోదైన అతికనిష్ట ముగింపు ఇది కావడం గమనార్హం. గత ఐదురోజుల కాలంలో సెనె్సక్స్ మొత్తం 940.58 పాయింట్లు కోల్పోయింది. ఇక నిఫ్టీ కూడా ఇదేబాటలో పయనించింది. సోమవారం 10,621.70 వద్ద ప్రారంభమైన నిఫ్టీ 10,505.80 కనిష్టానికి చేరి తిరిగి స్వల్పంగా కోలుకొని 79.90 పాయింట్ల నష్టంతో 10,516.70 వద్ద ముగిసింది. శుక్రవారం విదేశీ పోర్టుపోలియో మదుపర్లు మొత్తం రూ.166.15 కోట్ల విలువైన షేర్ల అమ్మకాలు జరుపగా, దేశీయ సంస్థాగత మదుపర్లు రూ.149.58 కోట్ల మేర కొనుగోళ్లు జరిపారు.
ఎస్ బ్యాంకు, యాక్సిస్ బ్యాంకు, కోటక్ మహీంద్ర బ్యాంకు, హెచ్‌డీఎఫ్‌సీ బ్యంకులు షేర్లు తీవ్ర అమ్మకాల ఒత్తిడిని ఎదుర్కొన్నాయి. సన్‌ఫార్మా షేర్లు అత్యధిక నష్టాన్ని నమోదు చేశాయి. డాక్టర్ రెడ్డీస్, టాటా మోటార్స్, హీరో మోటో కార్పొరేషన్, టాటా స్టీల్, బజాజ్ ఆటో హెచ్‌డీఎఫ్‌సీ లిమిటెడ్, హెచ్‌యుఎల్, విప్రో, ఎన్‌టీపీసీ, ఎం అండ్ ఎం, మారుతి సుజికీ, ఆదానీ పోర్ట్స్, ఆసియా పెయింట్స్, భారతీ ఎయిర్‌టెల్, ఎల్ అండ్ టీ, ఆర్‌ఐఎల్, ఇన్ఫోసిస్‌లు నష్టాలు చవిచూశాయి. కాగా ఎస్‌బీఐ అత్యధిక లాభాన్ని నమోదు చేయగా, టీసీఎస్, కోల్ ఇండియా, ఐసీసీఐ బ్యాంకు, ఓఎన్‌జీసీ, పవర్ గ్రిడ్‌లు లాభాల బాటలో పయనించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.