బిజినెస్
దేశీయ మార్కెట్ల ఢమాల్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 23: ఇంధన, లోహ రంగాల షేర్ల నేతృత్వంలో విస్తృతంగా సాగిన అమ్మకాల ఒత్తిడి వల్ల బుధవారం దేశీయ స్టాక్ మార్కెట్లు బాగా బలహీనపడ్డాయి. మార్కెట్ కీలక సూచీలు పతనమయ్యాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 306 పాయింట్లు పడిపోయి, నెల రోజుల కనిష్ట స్థాయి 34,344.91 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ కీలకమయిన 10,500 పాయింట్ల స్థాయికన్నా దిగువకు దిగజారింది. పెట్రోల్, డీజిల్ అధిక ధరల భారాన్ని మోయాల్సిందిగా ప్రభుత్వ రంగ చమురు కంపెనీలను కేంద్ర ప్రభుత్వం ఆదేశిస్తుందేమోనన్న భయాందోళనలు నెలకొనడంతో మదుపరులు తమ వద్ద ఉన్న ఈ కంపెనీల షేర్లను వదిలించుకోవడానికి పూనుకున్నారు. దీంతో హెచ్‌పీసీఎల్, బీపీసీఎల్, ఐవోసీ, ఓఎన్‌జీసీ, ఓఐఎల్ కంపెనీల షేర్ల ధరలు ఒక్కసారిగా పడిపోయాయి. సెనె్సక్స్ బుధవారం 34,656.63 పాయింట్ల అధిక స్థాయి వద్ద ప్రారంభమయి, మరింత ముందుకు సాగుతూ తొలి దశ లావాదేవీలలో 34,668.47 పాయింట్ల గరిష్ఠ స్థాయిని తాకింది. అయితే ఆ తరువాత ప్రతికూల ధోరణిలోకి వెళ్లిపోయిన ఈ సూచీ 34,302.89 పాయింట్ల కనిష్ట స్థాయికి చేరింది. చివరకు క్రితం ముగింపుతో పోలిస్తే 306.33 పాయింట్ల (0.88 శాతం) దిగువన 34,344.91 పాయింట్ల వద్ద ముగిసింది. ఏప్రిల్ 19న 34,427.29 పాయింట్ల వద్ద ముగిసిన ఈ సూచీ ఆ తరువాత ఇంత దిగువ స్థాయిలో ముగియడం ఇదే మొదటిసారి.
సెనె్సక్స్ బాటలోనే నిఫ్టీ కూడా బుధవారం కీలకమయిన 10,500 పాయింట్ల స్థాయికన్నా దిగువకు పతనమయి, 10,430.35 పాయింట్ల వద్ద ముగిసింది. క్రితం ముగింపుతో పోలిస్తే ఈ సూచీ 106.35 పాయింట్ల (1.01 శాతం) దిగువన స్థిరపడింది. ఇంట్రా-డేలో ఈ సూచీ 10,417.80- 10,533.55 పాయింట్ల మధ్య కదలాడింది. ఇదిలా ఉండగా, మంగళవారంనాటి లావాదేవీలలో ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) నికరంగా రూ. 1,651.63 కోట్ల విలువయిన షేర్లన విక్రయించగా, దేశీయ సంస్థాగత మదుపరులు (డీఐఐలు) రూ. 1,496.83 కోట్ల విలువయిన షేర్లను కొనుగోలు చేశారు.
ఆరు శాతం పడిపోయిన వేదాంత షేర్ విలువ
తమిళనాడులోని టుటికోరిన్‌లో ఉన్న వేదాంత గ్రూప్‌కు చెందిన స్టెరిలైట్ కాపర్ ప్లాంట్‌ను మూసివేయాలనే డిమాండ్‌తో మంగళవారం ఆందోళన చేస్తున్న ప్రజలపై పోలీసులు కాల్పులు జరుపడంతో తొమ్మిది మంది మృతి చెందిన నేపథ్యంలో బుధవారం వేదాంత గ్రూప్ షేర్ ధర ఆరు శాతం పడిపోయింది. బీఎస్‌ఈలో బుధవారం బలహీనంగా ప్రారంభమయిన ఈ షేర్ ధర తరువాత 5.80 శాతం పడిపోయి, రూ. 253.85 వద్ద ముగిసింది. ఎన్‌ఎస్‌ఈలో వేదాంత షేర్ విలువ ఆరు శాతం పడిపోయి, రూ. 253.75 వద్ద ముగిసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.