బిజినెస్
హ్యాకింగ్‌కు గురైన పిచాయ్ కోరా అకౌంట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, జూన్ 27: గూగుల్ సిఇఒ, భారత సంతతికి చెందిన సుందర్ పిచాయ్ కోరా అకౌంట్ హ్యాకింగ్‌కు గురైంది. ఇంతకుముందు ఫేస్‌బుక్ అధినేత మార్క్ జూకర్‌బర్గ్ ట్విట్టర్, పింటరెస్ట్ అకౌంట్లను హ్యాక్ చేసినవాళ్లే ఇప్పుడు పిచాయ్ కోరా అకౌంట్‌ను హ్యాక్ చేయడం గమనార్హం. అవర్‌మైన్ టీమ్‌గా పిలువబడే ఈ హ్యాకర్ గ్రూప్.. పిచాయ్ అకౌంట్ ద్వారా కోరాపై సందేశాలను కూడా పంపించారు. ఆదివారం పిచాయ్ అధికారిక ట్విట్టర్ అకౌంట్‌పై కోరా సందేశాలు కనిపించాయి. కాగా, సుందర్ పిచాయ్‌కి 5,08,000 ఫాలోయర్లున్నారు. మరికొందరు ప్రముఖుల ఖాతాలనూ హ్యాకింగ్ చేసినట్లు అవర్‌మైన్ టీమ్ గతంలో ప్రకటించినది తెలిసిందే. ఇందులో మైక్రోసాఫ్ట్ వ్యవస్థాపకుడు, సాఫ్ట్‌వేర్ దిగ్గజం బిల్‌గేట్స్ ట్విట్టర్ ఖాతా కూడా ఉండటం గమనార్హం. ప్రముఖ అమెరికన్ గాయని కటీ పెర్రీ ట్విట్టర్ ఖాతా కూడా హ్యాకింగ్‌కు గురవగా, తాజాగా ఆ జాబితాలో సుందర్ పిచాయ్ కూడా చేరిపోయారు. జూకర్‌బర్గ్ ట్విట్టర్, పింటరెస్ట్ ఖాతాలూ హ్యాకింగ్‌కు గురైనట్లు ఈ నెలలోనే తెలిసింది. జుకర్‌బర్గ్ 2012 లింకెడిన్ ఖాతా నుంచి పాస్‌వర్డ్‌లను పొందినట్లు హ్యాకర్ గ్రూప్ అవర్‌మైన్ టీమ్ ప్రకటించింది. మొత్తానికి హ్యాకింగ్ మహమ్మరి సాఫ్ట్‌వేర్ దిగ్గజాలనూ వదలడం లేదు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.