బిజినెస్
రూ. 15,354 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 8: పంజాబ్ నేషనల్ బ్యాంక్ (పీఎన్‌బీ) నుంచి రుణాలు తీసుకొని ఉద్దేశపూర్వకంగా ఎగ్గొట్టిన సంస్థలు బకాయి ఉన్న మొత్తం 2018 జూన్ 30 నాటికి అంతకు ముందు నెలతో పోలిస్తే 0.87 శాతం తగ్గుదలతో రూ. 15,354.52 కోట్లకు చేరింది. బ్యాంకుకు సంబంధించిన గణాంకాలు ఈ విషయాన్ని వెల్లడించాయి. పీఎన్‌బీ నుంచి రూ. 25లక్షలు లేదా అంతకన్నా ఎక్కువ మొత్తంలో రుణం తీసుకుని, చెల్లించని వారిని ఉద్దేశపూర్వక ఎగవేతదారులు (బిగ్ విల్‌ఫుల్ డిఫాల్టర్లు)గా ఆ బ్యాంకు పేర్కొంటోంది. ఇలాంటి రుణ గ్రహీతలు 2018 మే నెల చివరి నాటికి బకాయిపడిన మొత్తం రూ. 15,490 కోట్లు. 2018 మార్చితో పూర్తయిన ఆర్థిక సంవత్సరం బ్యాంక్ బ్యాలెన్స్ షీట్‌లో బిగ్ విల్‌ఫుల్ డిఫాల్టర్లు బకాయి పడిన మొత్తం రూ. 15,171.91 కోట్లు. 2016-17 ఆర్థిక సంవత్సరంలో రూ. 1,324.80 కోట్ల లాభం ఆర్జించిన పీఎన్‌బీ 2017-18 ఆర్థిక సంవత్సరంలో రూ. 12,282.82 కోట్ల నికర నష్టాన్ని చవిచూసింది. పీఎన్‌బీ నుంచి రుణాలు తీసుకొని ఎగ్గొట్టిన ప్రధాన సంస్థలు, అవి బకాయిపడిన మొత్తాలు ఇలా ఉన్నాయి. కుడోస్ కెమి లిమిటెడ్ (రూ. 1,301.82 కోట్లు), కింగ్‌ఫిషర్ ఎయిర్‌లైన్స్ (రూ. 597.44 కోట్లు), జాస్ ఇన్‌ఫ్రాస్ట్రక్చర్ (రూ. 410.96 కోట్లు), వీఎంసీ సిస్టమ్స్ (రూ. 296.08 కోట్లు), ఎంబీఎస్ జెస్వెల్లర్స్ (రూ. 266.17 కోట్లు), తులసి ఎక్స్‌ట్రూజన్ (రూ. 175.41 కోట్లు) అరవింద్ రెమెడీస్ (రూ. 158.16 కోట్లు) బిగ్ విల్‌ఫుల్ డిఫాల్టర్లుగా ఉన్నాయి. ఈ సంస్థలన్నీ ఇతర బ్యాంకులతో కలిసి కన్సార్టియంలో ఉన్న పీఎన్‌బీ నుంచి రుణాలు తీసుకున్నాయి. అలా కాకుండా నేరుగా పీఎన్‌బీ నుంచి రుణాలు తీసుకొని ఎగ్గొట్టిన సంస్థలలో విన్‌సమ్ డైమండ్స్ అండ్ జెవెలరీ, ఫర్‌ఎవర్ ప్రెసియస్ జెవెలరీ అండ్ డైమండ్స్, జూమ్ డెవలపర్స్, ఆపిల్ ఇండస్ట్రీస్, మహువా మీడియా ప్రైవేట్ లిమిటెడ్, శ్రీ సిద్బలి ఇస్పాత్ వంటివి ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.