బిజినెస్
కొన్ని వస్తువులపై తగ్గనున్న పన్నులు?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 11: వస్తు, సేవల పన్ను (జీఎస్‌టీ) మండలి ఈ నెల 21న జరిగే సమావేశంలో కొన్ని వస్తువులపై పన్ను రేట్లను తగ్గించే అవకాశాలు ఉన్నాయి. పన్ను హేతుబద్ధీకరణ కసరత్తులో భాగంగా ఆదాయం తక్కువగా ఉన్న వాటిపై పన్ను రేట్లను తగ్గించే అవకాశం ఉంది. పన్ను రేట్లు తగ్గే అవకాశం ఉన్న వస్తువులలో సానిటరి నాప్కిన్స్, హస్తకళలు, చేనేత వస్తువులతో పాటు కొన్ని సేవలు ఉన్నాయి. కొన్ని వస్తువులపై ముఖ్యంగా ఆరోగ్యానికి సంబంధించి, అసంఘటిత రంగంలో ఉపాధి అవకాశాలు కల్పిస్తున్న వస్తువులు, సేవలపై పన్ను రేట్లను తగ్గించాలని పారిశ్రామిక రంగానికి చెందిన పలు సంస్థలు, సంబంధిత సంఘాలు డిమాండ్ చేస్తూ వస్తున్నాయి. ‘సంబంధిత సంస్థలు, వ్యక్తుల నుంచి వచ్చిన డిమాండ్ల మేరకు జీఎస్‌టీ మండలి వివిధ వస్తువులు, సేవలపై పన్ను రేట్లను హేతుబద్ధీకరించే అంశాన్ని పరిశీలిస్తుంది. సాధారణ ప్రజలు వినియోగించే, ఆదాయం తక్కువ ఉన్న వస్తువులపై పన్ను రేట్లను తగ్గించే అంశంపై దృష్టి సారిస్తుంది’ అని ఒక అధికారి తెలిపారు. చేనేత వస్తువులు, హస్తకళలకు సంబంధించిన ఉత్పత్తులలో ఎక్కువ మట్టుకు 12 శాతం పన్ను శ్లాబ్‌లో ఉన్నాయి. అయితే వాటిని ఆ పన్ను శ్లాబ్ నుంచి మినహాయించాలనే డిమాండ్లు ఉన్నాయి. జీఎస్‌టీ విధానంలో నాలుగు శ్లాబులు- అయిదు శాతం, 12 శాతం, 18 శాతం, 28 శాతం- ఉన్నాయి. డజనుకు పైగా ఉన్న స్థానిక పన్నులను కలిపి రూపొందించిన పరోక్ష పన్ను జీఎస్‌టీ 2017 జూలై ఒకటో తేదీనుంచి అమలులోకి వచ్చింది. జీఎస్‌టీ మండలి తరువాత కొన్ని వస్తువులు, సేవలపై పన్ను రేట్లను తగ్గించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.