బిజినెస్
బ్రిటన్‌ను వెనక్కి నెడుతాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 13: భారత ఆర్థిక వ్యవస్థ వేసిన అంచనా ప్రకారం వృద్ధి చెందితే వచ్చే సంవత్సరం బ్రిటన్‌ను వెనక్కి నెట్టి ప్రపంచంలోనే అయిదో పెద్ద ఆర్థిక వ్యవస్థగా అవతరిస్తుందని కేంద్ర ఆర్థిక మంత్రి అరుణ్ జైట్లీ ధీమా వ్యక్తం చేశారు. అయితే, అంతర్జాతీయ మార్కెట్‌లో పెరుగుతున్న ముడి చమురు ధరలు, ప్రపంచ వాణిజ్య యుద్ధం అంశాలు దూసుకెళ్తున్న భారత ఆర్థిక వ్యవస్థకు సవాళ్లు విసురుతున్నాయని ఆయన పేర్కొన్నారు. ‘వేసిన అంచనా ప్రకారం వృద్ధి రేటు పెరిగితే వచ్చే సంవత్సరం భారత్ ప్రపంచంలోనే అయిదో అతి పెద్ద ఆర్థిక వ్యవస్థగా అవతరిస్తుంది. బ్రిటన్‌ను వెనక్కి నెడుతుంది’ అని జైట్లీ శుక్రవారం ఒక ఫేస్‌బుక్ పోస్ట్‌లో పేర్కొన్నారు. ‘కాంగ్రెస్ గ్రామీణ భారతానికి నినాదాలు ఇచ్చింది- ప్రధానమంత్రి మోదీ వనరులు ఇచ్చారు’ అనే శీర్షికతో జైట్లీ ఈ ఫేస్‌బుక్ పోస్ట్‌ను పెట్టారు. గత నాలుగేళ్లుగా అత్యంత వేగంగా వృద్ధి చెందుతున్న ఆర్థిక వ్యవస్థగా కొనసాగుతున్న మనం వచ్చే దశాబ్దంలో ఆర్థిక వ్యవస్థ విస్తరణపై దృష్టి పెట్టగలం’ అని జైట్లీ పేర్కొన్నారు. ప్రపంచ బ్యాంక్ తాజా నివేదిక ప్రకారం భారత్ ఫ్రాన్స్‌ను ఏడో స్థానంలోకి నెట్టి ప్రపంచంలో ఆరో పెద్ద ఆర్థిక వ్యవస్థగా అవతరించింది. అమెరికా అగ్ర స్థానంలో కొనసాగుతుండగా, తరువాత స్థానాల్లో వరుసగా చైనా, జపాన్, జర్మనీ, బ్రిటన్ ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.