బిజినెస్
సేవల రంగంలోకి తగ్గిన ఎఫ్‌డీఐలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 15: గత ఆర్థిక సంవత్సరంలో దేశంలో సేవల రంగంలోకి విదేశీ ప్రత్యక్ష పెట్టుబడుల (ఎఫ్‌డీఐల) రాక సుమారు 23 శాతం తగ్గి 6.7 బిలియన్ డాలర్లకు చేరింది. డిపార్ట్‌మెంట్ ఆఫ్ ఇండస్ట్రియల్ పాలసి అండ్ ప్రమోషన్ (డీఐపీపీ) ఈ విషయం వెల్లడించింది. 2016-17 ఆర్థిక సంవత్సరంలో దేశ సేవల రంగం 8.68 బిలియన్ డాలర్ల ఎఫ్‌డీఐలను ఆకర్షించింది. సేవల రంగంలో ఫైనాన్స్, బ్యాంకింగ్, ఇన్సూరెన్స్, ఔట్‌సోర్సింగ్, ఆర్‌అండ్‌డీ, కొరియర్, టెక్ టెస్టింగ్, అనాలిసిస్ ఉన్నాయి. మొత్తంమీద దేశంలోకి ఎఫ్‌డీఐల రాకను పరిశీలిస్తే, 2017-18లో ఎఫ్‌డీఐల రాక అయిదేళ్ల కనిష్ట స్థాయిలో మూడు శాతం వృద్ధితో 44.85 బిలియన్ డాలర్లకు చేరుకున్నాయి. డెలాయిట్ ఇండియా భాగస్వామి, ప్రముఖ ఆర్థికవేత్త అనిస్ చక్రవర్తి కథనం ప్రకారం, అమెరికాలో వడ్డీ రేట్లు పెరగడంతో పాటు డాలర్ బలపడటం వల్ల ఆ దేశంలోకి పెట్టుబడులు మరలడం వల్లనే భారత్‌లోకి ఎఫ్‌డీఐల రాక మందగించింది. ‘అమెరికాలో వడ్డీ రేట్లు మరింత పెరుగుతాయనే అంచనాలతో పాటు సుంకాల అంశాల కారణంగా ఈ సంవత్సరం భారత్‌లోకి ఎఫ్‌డీఐల రాక మరింత మందగిస్తుంది. భారత్‌లోకి ఎఫ్‌డీఐల రాక వృద్ధి రేటు పడిపోవడం అనేది ప్రధానంగా బహిర్జాత ప్రభావం వల్ల కలుగుతోంది. అయితే దేశ విధాన నిర్ణేతలు స్థూలార్థిక నిర్వహణపై దృష్టి కేంద్రీకరణను కొనసాగించవలసి ఉంటుంది’ అని చక్రవర్తి పేర్కొన్నారు. 2017-18లో రసాయన రంగంలోకి ఎఫ్‌డీఐల రాక వృద్ధి కూడా స్వల్పంగా తగ్గింది. 2016-17లో 1.39 బిలియన్ డాలర్లను ఆకర్షించిన ఈ రంగం 2017-18లో 1.30 బిలియన్ డాలర్లను మాత్రమే రాబట్టుకోగలిగింది. భారత్ స్థూల జాతీయోత్పత్తి (జీడీపీ)లో సేవల రంగం వాటా 60 శాతానికి పైగా ఉంది. రానున్న సంవత్సరాలలో పెద్ద మొత్తంలో పెట్టుబడులు అవసరం ఉన్నందున భారత్‌కు ఎఫ్‌డీఐలను ఆకర్షించడం ఎంతో ముఖ్యం.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.