బిజినెస్
నిండా ముంచిన నిరర్థక ఆస్తులు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 13: ప్రభుత్వ రంగ బ్యాంకు అలహాబాద్ బ్యాంక్ 2018-19 ఆర్థిక సంవత్సరం రెండో త్రైమాసికంలో రూ. 1,822.71 కోట్ల నికర నష్టాలను చవిచూసింది. ఈ బ్యాంకు ఇంతగా నష్టపోవడానికి నిరర్థక ఆస్తులే ప్రధాన కారణం. 2017-18 ఆర్థిక సంవత్సరం ఏప్రిల్-సెప్టెంబర్ త్రైమాసికంలో అలహాబాద్ బ్యాంక్ రూ. 70.20 కోట్ల నికర లాభాన్ని ఆర్జించింది. అయితే, ఈ ఆర్థిక సంవత్సరం ఏప్రిల్-జూన్ త్రైమాసికంలోని నికర నష్టంతో పోలిస్తే ఈ రెండో త్రైమాసికంలో నికర నష్టాన్ని స్వల్పంగా తగ్గించుకుంది. 2018-19 ఏప్రిల్-జూన్ త్రైమాసికంలో ఈ బ్యాంకు రూ. 1,944.37 కోట్ల నికర నష్టాన్ని చవిచూసింది. అలహాబాద్ బ్యాంక్ మొత్తం ఆదాయం కూడా సంవత్సరం క్రితంతో పోలిస్తే పడిపోయింది. 2017-18 ఆర్థిక సంవత్సరం రెండో త్రైమాసికంలో రూ. 5,067.78 కోట్ల ఆదాయాన్ని ఆర్జించిన ఈ బ్యాంకు ఈ ఆర్థిక సంవత్సరం రెండో త్రైమాసికంలో మాత్రం రూ. 4,410.72 కోట్ల ఆదాయాన్ని ఆర్జించింది. అలహాబాద్ బ్యాంక్ మంగళవారం బొంబాయి స్టాక్ ఎక్స్చేంజ్ (బీఎస్‌ఈ)కి సమర్పించిన పత్రంలో ఈ వివరాలు వెల్లడించింది. 2018 సెప్టెంబర్ 30 నాటికి అలహాబాద్ బ్యాంక్ మొత్తం రుణాల్లో నిరర్థక ఆస్తులు 17.53 శాతానికి పెరిగాయి. 2017 సెప్టెంబర్ 30 నాటికి ఈ బ్యాంకు మొండి బకాయిలు, దాని మొత్తం రుణాల్లో 14.10 శాతం ఉండినాయి. 2017 సెప్టెంబర్ 30 నాటికి రూ. 21,454.27 కోట్లు ఉన్న అలహాబాద్ బ్యాంక్ మొత్తం నిరర్థక ఆస్తులు 2018 సెప్టెంబర్ 30 నాటికి రూ. 27,236.19 కోట్లకు పెరిగాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.