బిజినెస్
మళ్లీ బలపడిన మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: అంతర్జాతీయ మార్కెట్‌లో ముడి చమురు ధరలు తగ్గడంతో పాటు రూపాయి బలపడటం మదుపరులపై సానుకూల ప్రభావం చూపడం వల్ల దేశీయ స్టాక్ మార్కెట్లు గురువారం బలపడ్డాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 119 పాయింట్లు పుంజుకోగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 10,600 పాయింట్ల స్థాయికి పైన ముగిసింది. సెనె్సక్స్ గురువారం కాస్త ఎగువ స్థాయి 35,145.75 పాయింట్ల వద్ద ప్రారంభమయి, 35,402- 35,118.42 పాయింట్ల మధ్య కదలాడింది. చివరకు క్రితం ముగింపుతో పోలిస్తే 118.55 పాయింట్ల (0.34 శాతం) ఎగువన 35,260.54 పాయింట్ల వద్ద ముగిసింది. ఈ సూచీ బుధవారం తీవ్ర ఊగిసలాట మధ్య సాగిన లావాదేవీలలో స్వల్పంగా 2.50 పాయింట్లు పడిపోయింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ కూడా గురువారం 40.40 పాయింట్లు (0.38 శాతం) పుంజుకొని, 10,616.70 పాయింట్ల వద్ద ముగిసింది. అంతకుముందు ఇంట్రా-డేలో ఈ సూచీ 10,646.50- 10,557.50 పాయింట్ల మధ్య కదలాడింది. రూపాయి విలువ పుంజుకోవడం, ఇతర ఆసియా మార్కెట్లలో పటిష్టమయిన ధోరణి నెలకొనడం, ఐరోపా మార్కెట్లు అధిక స్థాయిల వద్ద ప్రారంభం కావడం కూడా దేశీయ మార్కెట్లలో సానుకూల ధోరణి ఏర్పడటానికి తోడ్పడ్డాయి. అయితే, సెషన్ చివరలో స్పెక్యులేటర్లు లాభాల స్వీకరణకు పూనుకోవడం వల్ల అంతకుముందు ఆర్జించిన లాభాలు కొంత తగ్గిపోయాయని వ్యాపారులు చెప్పారు. ఇదిలా ఉండగా, విదేశీ సంస్థాగత మదుపరులు (ఎఫ్‌ఐఐలు) బుధవారం నాటి లావాదేవీలలో నికరంగా రూ. 277.38 కోట్ల విలువయిన షేర్లను కొనుగోలు చేయగా, దేశీయ సంస్థాగత మదుపరులు (డీఐఐలు) రూ. 272.34 కోట్ల విలువయిన షేర్లను విక్రయించారు.
సెనె్సక్స్ ప్యాక్‌లోని సంస్థల్లో అదాని పోర్ట్స్ గురువారం అత్యధికంగా 4.19 శాతం లాభపడింది. కోటక్ బ్యాంక్ 2.61 శాతం లాభంతో రెండో స్థానంలో నిలిచింది. లాభపడిన ఇతర సంస్థల్లో యాక్సిస్ బ్యాంక్, హీరో మోటోకార్ప్, టాటా మోటార్స్, మారుతి సుజుకి, వేదాంత లిమిటెడ్, పవర్ గ్రిడ్, ఎల్‌అండ్‌టీ, భారతి ఎయిర్‌టెల్, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్, హెచ్‌డీఎఫ్‌సీ, ఎస్‌బీఐ, ఇన్ఫోసిస్, రిల్, ఇండస్‌ఇండ్ బ్యాంక్ ఉన్నాయి. మరోవైపు, ప్రైవేటు రంగ బ్యాంకు యెస్ బ్యాంక్ అత్యధికంగా 7.42 శాతం నష్టపోయింది. యెస్ బ్యాంక్ చైర్మన్ అశోక్ చావ్లా రాజీనామా చేయడం ఆ బ్యాంకు షేర్ల విలువపై ప్రతికూల ప్రభావం చూపింది. నష్టపోయిన ఇతర సంస్థల్లో ఎన్‌టీపీసీ, ఓఎన్‌జీసీ, సన్ ఫార్మా, కోల్ ఇండియా, టీసీఎస్, హెచ్‌యూఎల్, ఐటీసీ, ఎంఅండ్‌ఎం, ఆసియన్ పెయింట్స్, బజాజ్ ఆటో, విప్రో, టాటా స్టీల్ ఉన్నాయి. వీటి షేర్ల విలువ 2.16 శాతం వరకు పడిపోయింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.