బిజినెస్
స్టాక్ మార్కెట్‌కు తప్పని నష్టాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 15: స్టాక్ మార్కెట్ లావాదేవీలు మరోసారి నష్టాల్లో ముగిశాయి. మొత్తం మీద వరుసగా ఏడో సెషన్‌లోనూ సెనె్సక్స్ పతనం కావడం మార్కెట్‌లో నెలకొన్న అనిశ్చితికి అద్దం పడుతుంది. పాకిస్తాన్ ప్రేరేపిత ఉగ్రవాద సంస్థ జైషె మహమ్మద్ పుల్వామాలో జరిపిన మారణకాండ స్టాక్ మార్కెట్‌పై ప్రభావం చూపింది. ఇరు దేశాల మధ్య వాతావరణం మరింత ఉద్రిక్తంగా మారడం ఇనె్వస్టర్ల సెంటిమెంట్‌ను దెబ్బతీశాయి. దీనికి తోడు అంతర్జాతీయ మార్కెట్‌లో బ్యాలెర్ ముడి చమురు ధర 65 డాలర్లు పెరగడం, రూపాయి మారకపు విలువ బలపడక పోవడం, చైనా, అమెరికా మధ్య వాణిజ్య యుద్ధం వంటి అంశాలు మధ్య ప్రతికూల ధోరణులతో కొనసాగిన సెనె్సక్స్ ఒకానొక సమయంలో 365 పాయింట్లు నష్టపోయింది. చివరిలో దేశీయ, సంస్థాగత మదుపరులు షేర్ల కొనుగోలుకు మొగ్గు చూపడంతో పరిస్థితి చాలా వరకూ మెరుగుపడింది. అయితే, నష్టం మాత్రం తప్పలేదు. 67.27 పాయింట్లు పతనమైన సెనె్సక్స్ 35,510.97 పాయింట్ల వద్ద ముగిసింది. నిఫ్టీ కూడా 21.65 పాయింట్లు (0.20 శాతం) నష్టపోయి 10,724.40 పాయింట్లకు పడిపోయింది. సన్ ఫార్మా, టాటా స్టీల్, వేదాంత, హీరో మోటోకార్ప్, బజాజ్ ఫైనాన్స్, ఎస్‌బీఐ, యాక్సిస్ బ్యాంక్, హెచ్‌డీఎప్‌సీ, మారుతి తదితర కంపెనీలు సగటున 3.94 శాతం నష్టాన్ని మూటగట్టుకున్నాయి. అయితే, ఎన్‌టీపీసీ, పవర్‌గ్రిడ్, ఓఎన్‌జీసీ, రిలయన్స్ ఇండస్ట్రీస్ లిమిటెడ్ (రిల్), ఎల్ అండ్ టీ, భారతీ ఎయిర్‌టెల్, టాటా మోటార్స్, కోల్ ఇండియా వంటి కంపెనీల స్టాక్స్ లాభాల్లో ట్రేడ్ అయ్యాయి. ఈ కంపెనీల వాటాల ధర సగటున 4.13 శాతం పెరిగింది. ఆసియా స్టాక్ ఎక్ఛ్సేంజ్‌లపై అమెరికా రీటైల్ మార్కెట్ పతనం ప్రభావాన్ని చూపింది. 2009 తర్వాత మొదటిసారి అమెరికా రీటైల్ మార్కెట్ భారీ నష్టాలను చవిచూడడం గమనార్హం. ఈ పరిణామం సహజంగానే అమెరికా ఆర్థిక పరిస్థితిపై అనుమానాలకు తావిస్తున్నది. ప్రపంచ స్టాక్ మార్కెట్లతోపాటు బాంబే స్టాక్ ఎక్ఛ్సేంజ్ (బీఎస్‌ఈ)పైన కూడా ఇది ప్రతికూల ప్రభావాన్ని చూపింది. మొత్తం మీద శుక్రవారం నాటి లావాదేవీల్లో విదేశీ పోర్ట్ఫోలియో ఇనె్వస్టర్లు 250.23 కోట్ల రూపాయల విలువైన షేర్లను అమ్మారు. దేశీయ సంస్థాగత మదుపరులు 1,225.24 కోట్ల రూపాయల విలువైన వాటాలను కొనుగోలు చేశారు. స్థూలంగా చూస్తే, ఈవారం మొత్తం నష్టాల్లోనే స్టాక్ మార్కెట్ కొనసాగింది. గత కొంత కాలంగా కొనసాగుతున్న అనిశ్చితికి ఇంకెంత కాలం ఉంటుందనే ప్రశ్న ఇనె్వస్టర్లను, స్టాక్ బ్రోకర్లను ఆందోళనకు గురి చేస్తున్నది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.