బిజినెస్
వంట నూనెల ఎగుమతుల్లో నిలకడ లేమి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 10: దేశం నుంచి జరుగుతున్న వంట నూనెల ఎగుమతుల్లో నిలకడ లోపించింది. ఒక్కోసారి గణనీయంగా పెరగడం, ఒక్కోసారి అనూహ్యంగా పతనం కావడంతో, మార్కెట్‌లో వంట నూనె ఎగుమతుల అంశంపై ఆందోళన నెలకొంది. గత ఏడాది జనవరితో పోల్చి చూసినా, గత ఏడాది నవంబర్, డిసెంబర్ మాసాల్లో జరిగిన ఎగుమతులను పరిశీలించినా, ఈ ఏడాది జనవరిలో వంట నూనెల ఎగుమతి ఆశాజనకంగానే ఉంది. అయితే, ఏడాది మొత్తం మీద పరిస్థితిని పరిశీలిస్తే, నిలకడలేమి స్పష్టంగా కనిపిస్తున్నది. గత ఏడాది జనవరిలో 12.91 లక్షల టన్నుల వంట నూనెలు ఎగుమతయ్యాయి. ఫిబ్రవరిలో 11.57 లక్షల టన్నులు, మార్చిలో 11.46 లక్షల టన్నులు చొప్పున వంట నూనెలు వివిధ దేశాలకు ఎగుమతయ్యాయి. అయితే, ఏప్రిల్‌లో, ఎవరూ ఊహించని విధంగా 13.86 లక్షల టన్నులకు పెరిగింది. ఆ వెంటనే, మేలో 12.85 లక్షల టన్నులకు పడిపోయింది. జూన్‌లో మరింతగా పతనమై 10.42 లక్షల టన్నులకు చేరింది. అనంతరం కొంతమేర సానుకూల ధోరణులు ఏర్పడడంతో, జూలైలో 11.20 లక్షల టన్నులకు పెరిగింది. ఆగస్టులో ఏకంగా 15.13 లక్షల టన్నులుకాగా, సెప్టెంబర్ మాసంలో రికార్డు స్థాయిలో 14.91 లక్షల టన్నులకు చేరింది. గత ఏడాది ఎగుమతుల్లో ఇదే అత్యధికం. అక్టోబర్ మాసంలో మళ్లీ పతనం మొదలై, 12.56 లక్షల టన్నులుగా నమోదుకాగా, నవంబర్‌లో మరింతగా తగ్గి, 12.49 లక్షల టన్నులకు పడిపోయింది. డిసెంబర్‌లో కొద్దిగా కోలుకొని 12.11 లక్షల టన్నులకు చేరింది. ఈ ఏడాది ఆరంభం, జనవరిలో 12.75 లక్షల టన్నుల వంట నూనెల ఎగుమతి జరిగింది. మొత్తం మీద ఏడాది కాలంలో ఎగుమతుల తీరుతెన్నులను గమనిస్తే, నిలకడలేని పరిస్థితి స్పష్టంగా కనిపిస్తుంది. వంట నూనెల ఎగుమతులు సహజంగా దేశీయ వ్యావసాయోత్పత్తులపై ఆధారపడుతుంది. ఈ ఏడాది వ్యవసాయ రంగంలో సానుకూలత కనిపిస్తేనే, వంట నూనెల ఉత్పత్తి, తత్ఫలితంగా ఎగుమతులు పెరుగుతాయి. వ్యవసాయ రంగ పరిస్థితులు ఏ విధంగా ఉంటాయో చూడాలి. వివిధ రకాలపై చమురు ఉత్పత్తి, అమ్మకాల టారిఫ్‌ను కేంద్రం మార్చింది. సవరించిన టారిఫ్ రేట్ల ప్రకారం, వసూలు చేస్తున్న మొత్తాలు మారాయి. తాజా టారిఫ్ ప్రకారం మెట్రిక్ టన్నుకు వసూలు చేస్తున్న మొత్తాలు అమెరికా డాలర్లలో ఇలావున్నాయి. ముడి పామ్ ఆయిల్ 575 డాలర్లు, ఆర్‌బీడీ పామ్ ఆయిల్ 607 డాలర్లు, ఇతర పామ్ ఆయిల్ 591 డాలర్లు, ముడి పామోలిన్ 608 డాలర్లు, ఆర్‌బీడీ పామోలిన్ 611 డాలర్లు, ఇతర పామోలిన్ 610 డాలర్లు, ముడి సోయాబీర్ ఆయిల్ 758 డాలర్లు. ఇలావుంటే, మెట్రిక్ టన్ను బ్రాస్ స్క్రాప్ (అన్ని గ్రేడ్స్ కలిపి) 3,596 డాలర్లు, పప్పీ సీడ్స్ 2,576 డాలర్లు, అరెకా నట్స్ 3,925 డాలర్లుగా టారిఫ్ ఉంది. కాగా, పది గ్రాముల బంగారం టారిఫ్ 422 డాలర్లుకాగా, కిలో వెండికి 503 డాలర్లుగా ఖాయం చేశారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.